Friday, July 6, 2007

توك توك حبيبي اتقلب




اذكر ان اول مرة رأيت فيها التوك توك كان في كفر الشيخ وانا عائد من بلطيم ... كان هناك تربض كمية تكاتك مهوله في ذلك الموقف الصغير...كان اشبه بالنمل الصغير وساعتها تمنيت ان اركبه

وبعد حوالي عامان شاهدت اول توك توك في منطقتي ولكم فرحت به شكله حلو وغريب وحاجه جديده غير مألوفه وقلت في نفسي التوك توك هيحل مشاكل كتيره هيدخل في الحتت اللي التاكسي يتأفف ان يدخلها الا بطلوع الروح وطلوع الفلوس وهيفيد في المسافات القصيرة وللناس اللي لاتقدر علي اجرة التاكسي
صحيح هو هيضرب سوق التاكسي لكن الغلابة يموتوا يعني
المهم كنت اتابع بشغف عدد التكاتك في منطقتي في البداية كان واحد ثم صار اثنين ثم ثلاثه ثم اربعه ثم...........حتي وصل كانه هجوم شرس علي المنطقه الهادئه واصبحت الشوارع التي لا تسلكها السيارات مزدحمة بالتكاتك وبالسيارات التي تبحث عن منفذ
لقد ملأ التوك توك كل فراغ في الشارع وازدحمت الشوارع والشوارع الموازيه بشكل فظيع
والمشكله الاخري ان سائقيه شوية عيال بلاخبره وكل شوية خناقه اما مع زبون او مع سياره اخري
وصار من الطبيعي ان اسمع من سائقين الميكروباسات انه اليوم شاط توك توك او اتنين عادي يعني
اما المضحك في الموضوع والذي جعلني اضحك حتي انكفئ الذي قيل عن التوك توك انه اذا صار بسرعه شديده ينقلب علي جنبه

التوك توك اما يمثل ثقافة الوصولية والانتهازية واما علي النقيض تماما يمثل الضرورة الملحة في ان تمتلئ الفراغات الرهيبة بين الطبقات في المجتمع
هل الامر كذلك لا ادري
ولكني الان صرت اكره شكل التوك توك الذي يذكرني بشكل النمل حرامي الحله

لما كان توك توك او اتنين كان الموضوع شيك وجميل لكن لما يكون عشرة تكاتك مع بعض في حته واحده وفي مفترق مهم يبقي الموضوع اصبح كارثة

والجميل في الشعب المصري انه طلع نكت علي التوك توك مثلا لقوه مع عربيه نص نقل بيرضع منها او داخل البنزينه يقول امبو امبو

6 comments:

عصفور المدينة said...

تك تك
ممكن أعلق
خلي الغلابة تركب
وبعدين ده تقليعة هندية

محمد سعيد said...

تك تك جميل "قصدى موضوع جميل "بس انت عارف ان مشكلة التك تك موجودة فى العشوائيات فقط
الحدق يفهم

عمر عاشق القرآن said...

انا بقى بيفكرنى بالدبان مش بالنمل
اصله بلاقى قدام العربية ماشى يمين شمال يمين شمال .....
بيخيلنى والله

Fahd said...

عصفور المدينة

هي دي الحسنة الوحيده ان الغلابة تركب

وده اللي مصبرنا





محمد سعيد


لا ادري من هو الحدق وما الذي سيفمه
دائما انت هكذا النبيه الذكي طب ما تقول

Fahd said...

مشروع بطل

ربنا يصبرك يا اخي

وهي مش فارقة كتير

دبان نمل كلها حاجات تخنق

مزايا العقارية القابضة said...

هو شكله تحفة أصلا :)

يدعو للضحك

و صح إنه لو مشي بسرعة بحس إنه هيتقلب

بس ده حسب التوازن بقى جواه :d

الحمد لله معندناش تكاتك :)

أصلا اسمه بحس إنه بيضحك جدا