Saturday, June 7, 2008

بلا هدف يا شيخ طلبة

خرج الشيخ طلبة من القصر العيني وذهب الي قريته بمحافظة الغربية يقضي وقت النقاهه هناك وسط الطبيعه والهدوء

وانا من منطلق وراك وراك - فتح الواو طبعا وليس بكسرها- قررت ان اسافر له الغربية

وبالمرة اذهب لاماكن لم ارها في حياتي
كان الطريق لطنطا ممتعا وانت تخترق الحقول الخضراء الممتده لتلتقي هناك مع الافق اللامع

ومن طنطا ركبت سيارة تاخذني لبلدة تسمي ديما ومن ديما لابو الغر حيث مسقط الشيخ طلبة وحيث هو موجود الان

سائق السيارة من طنطا لديما كان يستمع –وكنا معه رغما عنا –لاغنية غريبة
كان المغني الذي لا اعرف اسمه يقول بكل حرقة وانفعال
الكسكسي حلوته قليلة مش احلي منك يا بليلة
ايه ده
دي الاغاني الشعبية
اخص
علي كده شعبنا محتاج يتربي

المهم وصلت هناك اخيرا وسط حفاوة بالغة لم اكن اتخيلها
اطمئننت علي صحة شيخي الحبيب والحمد لله كان بخير الا من بعض الشحوب البادي علي وجهه ولكن ذلك لم يكن ليأثر علي بريق عينيه وحضوره القوي دائما
وقال لي الشيخ :قوم خد دوش بارد كده علشان تفوق وتصحح
وقمت واخذت حماما بارادا منعشا وخرجت لاري وليمة طعام كبيرة ولي وحدي
من قال ان الشرقوية هم اهل الكرم فقط
ومن قال ان سأكل كل هذا الاكل
المهم اكلت حتي كلت معدتي المسكينة ولحقني الشاي الساخن الثقيل الاسود علي المضيفة حيث يجلس هناك الشيخ طلبة
سألني الشيخ طلبة عن احوالي وعن الناس وعن اخر اخبار عز بما اني احقد عليه وادعو له بالخراب

وتوقف الشيخ طلبة ونظر لي مثبتا عينه في عيني –ذكرني هذا بالميس في الابتدائي عندما كنت انسي عمل الواجب – وقال بهدوء : اين الورقة؟
قلت في استعباط عفوي : ورقة ؟ اي ورقة يا شيخ طلبة؟

من قال ان الشيخ طلبة لا يفهم اساليب الصياعة ولا يجيد التعامل معها ولكن يمنعه الادب
قال في صبر : الورقة التي اعتطها لك الممرضة في القصر العيني
تذكرت فجاءة وانا اخبط علي راسي في دهشة بدت الي حد ما صادقة ولكن علي مين وقلت : ايوة افتكرت يا شيخ طلبها مالها ؟
قال بصبر اكثر : اين الاجابة ؟
لم يعد مفر من قول الحقيقة وكنت اخاف ان اصيب الشيخ طلبة بالنقطة
قلت له وانا انظر في الارض : انا لم اجيب عن الاسئلة
معرفتش يا شيخ طلبة
انا مليش هدف
محدش عودني علي كده
انا مليش رسالة في الحياة ومش عارف يعني ايه الواحد يكون ليه رساله في الحياة
ومليش خطة مكتوبة انا كنت بكتب جدول مذاكرة في الثانوي اول اليوم وكنت بمشي عليه نص ساعه بس وكنت بعمله علشان ملتزمش بيه
ومعملتش حاجة للناس ولما اموت اكيد الناس دي محدش هيفتكرني فيهم
و
وكنت اتمالك نفسي حتي لا ابكي فاصعب عليه فيحضر لي المشروب الكريه منقوع الدوم
ولكن يبدو انها مش فارقة
كان هناك من يحضر الدوم
ولم يكن كوبا بريئا كما كان في القاهرة
ولكنه كان دورقا عملاقا
قال الشيخ طلبة : هون عليك يا بني
لسه كل شيء بايدك تقدر تعمل كل اللي انت عايزه
قلت ببعض الياس : هعمل ايه ولا ايه انا مجاوبتش علي اي سؤال
قال : في يابني ناس عدت الستين وناس ماتت ولم تفكر مطلقا باجابة اي سؤال
الحمد لله انك لاتزال في مقتبل حياتك
يلا غير بقي
امامك الفرصة ان يكون لك هدف ورسالة في الحياة
ان تكون لحياتك معني
ان تنجح
لست اقل من اي شخص اخر في العالم نجح وحقق ذاته
والله اعطي لكل الناس قدرات وامكانيات بالتساوي ولكن في واحد يكتشف نفسه ويطور امكانيته وقدراته ومواهبه
وواحد تاني تظل مواهبه مدفونة داخله حتي يموت
وانت يا بني مختلف
انت مختلف عن اي شخص جاء لهذه الحياة وعن اي شخص لم يأت لعد
تعرف ان نسبة ظهورك للحياة كنسبة واحد ل 300 بليون
اي اختلاف في الكرموسومات ولو ضئيل كنت ستصبح شخصا اخر

كيف لا يكون لك هدف في الحياة
كيف لا تعرف ما تريد ولماذا انت هنا والي اين ستذهب

قلت له : طيب ازاي اعمل لي هدف يكون بتاعي انا طبعا مش هشتري واحد
ابتسم قليلا لبساطة تفكيري وقال : اعرف نفسك اولا تعرف ما هو هدفك في الحياة
فتش في اركان نفسك عن قدرات وامكانيات لم يهبها الله الا لك
حاول ان تفهم الحكمة من اشياء حدثت لك في حياتك وما علاقة ذلك بهدفك
انت تحضر-بضم التاء- لشيء ما
كل منا يحضر لشيء ما
هناك من يفهم ويصل وهناك من لايفهم ولا يعبأ فلا يصل

عندما تعرف هدفك في الحياة ستعرف بان لحياتك معني
ومعنا جميلا
ستصبح كرواية رائعة متناسقة ومرتبة وتصلح ان تكون نموذجا يحتذي به
تعرف هناك اناس عاشوا في الحياة قصتهم ليس لها معني وليس لها عنوان وليست لها نهاية قوي ولا بداية مؤثرة

سأكون سعيدا لو حددت لم هدفا تسعي اليه

قلت : ان شاء الله يا شيخ طلبة

قال : تعرف تركب حصان
قلت : اه لما كنت بروح الاهرامات كنت بركب الحصان امشي بيه خمسين متر وارجع تاني
ضحك من قلبه وقال : تحب تخرج في فسحة في الاراضي الواسعه الخضراء
قلت : طبعا ، يا خبر ابيض انت بتشاورني يا شيخ طلبة
نادي الشيخ طلبة علي من يحضر لي حصان عربي اصيل توجد شامة بيضاء في راسه وقال لي الشيخ : هذا اغلي حصان عندي
اريدك وانت تنطق به في الارجاء وانت تنطلق في الافق ان تفكر في هدفك
ماذا تريد
انت لم تخلق عبثا
ويجب ان تسطر اسمك في صفحات الحياة كاجمل ما تكون

وانطلقت

31 comments:

Anonymous said...

المشتاق لله
السبك القصصي للتدوينة يجعلها في اطار رواية او يوميات ممتعة جدا لايسعني الا ان اتابعها -وصفك الجغرافي للمكان يوحي بلمسات الادباء في كتابة رواياتهم -لقد وفقت في هذا -لدي اعتراض واحد فقط - اسلوبك يعتمد علي الرواية لذا اقترح ان تدخل شخصيات اخري في الحبكة حتي لايمل المطالع بعد طول زمن ودمت بالف عافية- الف الحمد لله علي سلامة شيخك

آفاق الحرية said...

ماشاء الله
كل يوم والتاني الاسلوب بيتقدم
وكل يوم والتاني الواحد بيتعلم اكتر من حكمة الشيخ طلبة
ربنا يكرمك ويعزك
تحياتي

مشتاق لله said...

المشتاق لله
السبك القصصي للتدوينة يجعلها في اطار رواية او يوميات ممتعة جدا لايسعني الا ان اتابعها -وصفك الجغرافي للمكان يوحي بلمسات الادباء في كتابة رواياتهم -لقد وفقت في هذا -لدي اعتراض واحد فقط - اسلوبك يعتمد علي الرواية لذا اقترح ان تدخل شخصيات اخري في الحبكة حتي لايمل المطالع بعد طول زمن ودمت بالف عافية- الف الحمد لله علي سلامة شيخك

Anonymous said...

حمدالله علي سلامة الشيخ طلبه واهنيك علي هذا الاسلوب الرائع وعجبتني اوي الجمله اللي بتقول(اعرف نفسك اولا تعرف ما هو هدفك في الحياه)طب ازاي اعرف نفسي؟

appy said...

هما دول الناس اللى نأخد منهم الحكم والله على فكرة ان شاء الله هجاوب بس افضى دماغى علشان اقول الكلام اللى حصل وصح متقلقش

يا عالم يا هوووووووووووو said...

برافووووووووووووووووووووووووووووا
رائعة بجد يا مصطفى
الشيخ طلبة المرادي .... من حيث المستوى الأدبي حاجة تانية
ربنا يكرمك يا أخي

shahed 7ak said...

يا سلام عليك يا بشمهندس

حقا رائعه

جمعاوى روش طحن said...

ربنا يبارلك فيه

و يديم بينكم الود

son's egypt said...

السلام عليكم
عمنا ايه اخبارك مش ظاهر يعني
كده تهرب من الاسئلة
بص يا سيدي كتير زي ما بتقول ممكن الواحد يكون عايش في الحياة بلا هدف يذكر
ولا هو عارف عاوز ايه
مجرد عايش وخلاص
يعني تنفس ياكل يشرب هي ديه مجرد وظيفتة في الحياه بلا هدف
فانا نفسي مثل هذه الاشخاص تاخد حصان الشيخ طلبة وتجري بيه وتلحق في الافق وتهرف هي عاوزة ايه بالضبط
علي فكرة انتي جريب قد ايه بالحصان اوي تكون جريب 500 متر ورجعت تاني
لبقي قول جريب به قد ايه

أحمد كمال said...

هو الشيخ طلبة ده شخصية حقيقية ؟

محمد صابر قاروووووووووق said...

انى احبك فى الله انى اعتزر عن التاخير لانى كنت فى حفل زفاف ان شاء الله يكون حفل زفافك قريبا يا اخى فى الله المهم من الطبيعى ان لزمن يكون للانسان هدف فى الحياه ودة اللى انا بخططلة دلوقتى من المهم اننا ننظر نظرة مستقبلية شوية ونخطط لمستقبلنا اراك قريبا جدا

عصفور المدينة said...

رائع وأشارك معك بهذه التدوينة

الأهداف

ولو رحت تاني ابقى مر علي
:)

nonoymm said...

السلام عليكم
حلوة هو الشيخ طلبة بيفهم في ايه
هههههههههههههههههه
هكمل قراية
اسلوبك جميل بس حقيقي دة ولا خيال
لسة ما قلتش
تحياتي

fahd said...

المشتاق لله

ربنا يكرمك يا اخي

وهعمل بنصيحتك

==================

افاق الحرية

سعيد قوي انك بتقيم الدنيا اول باول

ومتشكر جدا يا اخي

fahd said...

انمونيس

متشكر يا عم

تعرف نفسك ازاي دي قصة تانية

خليها قصة كفاح

===========

ابي


انا منتظر اجاباتك

وشكرا للمرور

fahd said...

يا عالم يا هوه

ربنا يكرمك يا ياسر

حقيقي بفرح بكلام وتشجيعك ده



===========

شاهد حق

شكرا يا عم عمار

ويلا بقي امتعنا

ومتشكر للمرور يا اخي

fahd said...

جمعاوي روش طحن

انا بفرح يا اخي لما بشوف تعليقك

ربنا يكرمك


=============

بن مصر

تحليل رائع يا هيما

انا جريت كتير بال حصان

fahd said...

احمد كمال

طبعا مش هقول

بس كنت احب ان تتعمق اكتر في الموضوع

انا كنت بتكلم عن الغاية والهدف

وكده يعني


=================

محمد صابر

احبك الذي احببتني فيه

انا سعيد جدا وانت بتقول الكلام ده يا محمد

fahd said...

عصفور

حبيبي

ربنا يكرمك

انا بفرح لما بشوفك عندي

تعليقك وسام

================

نونو يام

متشكر جدا علي التعليق الرقيق ده

اتمني زيالرتك دائما

اشكرك

شفقة و احسان said...

البوست كويس جدا....ربنا يوفقك والى الامام

حنين said...

حمدا لله على سلامة الشيخ طلبه, بس مش عارفه ليه مش مصدقه انى عمو طلبه حقيقى. , ولو فى حد كدا فعلاا. فين نلاقيهم, انا عن نفسى عامله ( بردوا كدا شخصيه خيا ليه فى حياتى لما ازهق اوى او اتعب اوى ودا الطبيعى والعادى بكلمها............ واحكلها , لكن لالاسف هى لاتعطينى النصائح بقدر ما تعطينى مزيد من التشائم, لانها ولسبب بسيط من اختراعى, المهم انى اسلوبك المره دى( ماشاء اللله الله يبارك(..... وفى انتظار الجديد

فليعد للدين مجده said...

ياريت لي شيخ كشيخك طلبة
من كان له قائد كالشيخ طلبة يعض عليه بالنواجذ

Jana said...

"انت لم تخلق عبثا
ويجب ان تسطر اسمك في صفحات الحياة كاجمل ما تكون"

احييك على تلخيص حكمة غالية فى هذه الجمل البسيطة
الشيخ طلبة حكمته بالغة ..ونفتقد امثاله فى هذا الزمن ..اعتقد وراءه سر..اتمنى ان تعرفه فتتبعه فتصبح خليفته لنا فى هذه الدنيا الفقيرة الى مثله
!!! عله يكون شراب الدوم
ههههههههه

انا معفاة من اجابة التاج بحجة
انك لم تجاوب تاجى بعد...وسعيدة انى لاقيت عذر وتلكيكة..لأنى لو حاولت اجاوبه يمكن اعيط فعلا
لكن اسمحلى احييك تانى على اسئلته الحكيمة

تحياتى

د/أبويحيى وادم said...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

ro7 said...

يابختك بالشيخ طلبة
ويابختك انك ركبت حصان
اهو الشيخ طلبة مش مقصر معاك
نهااااااااااائي
انا بعد كدة هطالب بالشيخ طلبة
لكل مواطن كانت مشاكلنا اتحلت
ها حددت هدفك ولا لا؟؟

§a§a said...

بجد اسلوب المدونه ممتع جدا الواحد بيحس كدا انه بيستنى التدوينه ورا التدوينه

تحياتى

عصفور المدينة said...

جاوبت التاج

fahd said...

شفقة واحسان

جزاكم الله خيرا

اشكر لكي مرورك واتمنهاه مرارا


=====================

حنين

متشكر جدا علي الكلام الجميل ده

يبدو ان احساسك في محله

fahd said...

فليعد للدين مجده

للمرة الثانية انا سعيد جدا بوجود هنا في المودن المتواضعه

بالفعل انا احلم بشيخ مثلة

شرفتني بكل م تحمل الكلمة من معان

===================

jana

انتظر تعليق كثيرا
واحترمه

الشيخ طلبة ليس رواءه سر

انتظر مرورك دائما

توقعت ان تكوني اكرم مني وتردي علي التاج
ولكن يلا دي قصاد دي

fahd said...

د ابو يحي

مش عراف يا اخي انت ليه متحامل قوي كده

انا مش متابع قوي موضوع الحملة ده

ويعني كنت احب تكلمني برفق اكت من كده شوية

لكن اوعدك اعرف عن الموضوع اكتر

================

sasa

ياه انا متشكر جدا

اتمني دائما ان اكون عند حسن ظنكم

فضايح المدونين said...

اتفضلوا بزيارة مدونتى
http://scandal-blogger.blogspot.com
واتمنا اشوف ردودكم
تحية لكم