Thursday, May 15, 2008

علي الطبلية مع الشيخ طلبة

في هذه المرة ذهبت للشيخ طلبة ولدي شيء مختلف
ليس في مظهري او ملابسي ولكن في طريقة تفكيري
هذه المرة يوجد امل
ليس الكثير منه ولكن يوجد علي الاقل امل
لم يكن يوجد قبل ذلك
في المرة السابقة كان الطلاق هو الحل الوحيد
اما الان فقد صار هناك مجالا للصلح
طرقت باب الشيخ طلبة وانتظرت قليلا ..فتحت لي طفلة صغيرة تبدو حفيدة الشيخ طلبة قالت لي بصوت خجول : جدي ينتظرك ثم فرت هاربة
سمعت صوته الواهن القادم من بئر سحيق ينادي علي ان ادخل في سرعة
دخلت علي الشيخ طلبة فلم اجده كما توقعت علي اريكته الخشبية العتيقة ،كان هناك علي الارض وامامه طبلية صغيرة مستديرة
لم انظر للطعام ادبا والقيت السلام
فرد السلام ودعاني للطعام ولم اعترض
كان علي الطبلية كل ما تشتهية النفس
بيض يسبح في سائل اصفر –تبدو زبدة بلدي –في صحن من الصاج وقطعتان من الجبنة البيضاء ثم كان هناك طبق عميق من المش الاصفر تناثرت فيه اشلاء من قرون الفلفل واشلاء اخري لا اعرفها
كان الطعام مغريا بحق
كان الشيخ يرتدي جلبابا ابيض وقلنسوة من الصوف ،كان ذلك عجيبا فنحن في الصيف
كانت تشبة طاقية عباس العقاد فقلت في نفسي عسي ان تكون فيها البركه.
قلت له وانا اكسر الخبز الناشف الذي يصل طولة ذراع تقريبا : مش همشي من عندك انهارده الا لما تقولي كل حاجه
قال الشيخ طلبة حفظه الله : كويس والله انك غيرت طريقة تفكيرك ،الواحد لما بيفكر بشكل سلبي كل الملفات السلبية اللي في حياته تنفتح امام عينيه حتي تسود الدنيا
قلت وانا اقرمش العيش الناشف في معركة حقيقية :ايه ده يا شيخ طلبة انت تعرف التنمية البشرية؟
قال : يابني التمنية البشرية مش اختراع ، دي خلاصة تجارب مصاغة الواحد بس تنقصة الصياغة

طبعا انا كنت سعيد للغاية ،ولما لا ؟ الشيخ طلبة هيحبس بالشاي ولن يشرب هذا المنقوع الكريه ولكن تهاوت كل امالي فقد دخلت تلك الطفلة البريئة تحمل تلك الصنية الصدئة وعليها يتطوح الدوم
حاولت ان ابتهج وقلت : كنت اريد ان اعرف كيف نحل مشكلة المواصلات ، تصدق ان الدائري بقي زحمة جدا وبقت كل الايام زي اول الاسبوع وبقت كل الساعات زي قبل الفطار في رمضان .
قال : يابني في حل سهل قوي ومش هيكلف حاجه
قلت وقد شدني الفضول: ايه يا شيخ طلبة؟
قال : نستخدم نظرية التشتت
قلت في بلاهه : يعني ازاي
قال: في وزارة الكهربا لما بيقدروا الاحمال الكهربائية المراد تغذيتها لمنطقة معينة لا يفترضوا ان كل الاحمل تعمل كلها جميعا و طول الوقت فتكون القدرة المتوقعه اقل كثيرا من المجموع الجبري للاحمال
قلت ولم افهم شيء: كمل يا شيخ طلبة
قال : في حالتنا هنعكس الموضوع احنا عندنا سعة مرورية محدوده وعربيات كتير يبقي الصح اننا نزيد من التشتت
قلت في حماس : يعني نعمل ايه يا شيخ طلبة
قال :كانت العطلة الرسمية متفرقة فكان اول الاسبوع يتوزع علي الاسبوع لكن ان تجعلها عطلة واحده فيجعل ذلك بداية الاسبوع واحده لكل الشركات والمصالح والمدارس والجامعات في بلد ليست فيها شوارع موازية ولا شوارع تستوعب هذا العدد الضخم فهذا جنون
قلت : سمعت ان من الناس الداعين لهذا التوحيد السخيف واحد كان يقول اجازتي كانت الخميس وزوجتي اجازتها كانت السبت فلم نكن نستطيع ان نقضي عطلة الاسبوع سويا
قال : المشكله انك لا تعلم المنطق الذي تسير به الامور في بلدك ، المهم بعد ذلك نستخدم نظرية التشتت في ساعات اليوم نفسه بمعني ان لا تكون المواعيد الرسمة واحده يجب ان تتوزع بشكل ما حتي لا يخرج الناس في نفس الوقت ولا يعودوا في نفس الوقت
قلت : والله فكره جميلة وبسيطه خالص محتاجه واحد بيفكر شوية وقلبه علي الناس
قال: في حل بسيط اخر.. في كل شركة يوجد علي الاقل عشرة في المية من الموظفين لديهم سيارت بسهوله نستطيع رسم مسارات لهذه السيارات ونطبق حديث رسول الله ان من كان له فضل ظهر يجود علي من لاظهر له فيأخذ معه كل من كان في طريقة ويساهموا مع صاحب السيارة في ثمن الوقود طبعا هذا بالتراضي والحب وليس الاجبار
قلت : نعم يا شيخ طلبة ولازم يكون في نظام مروي مرن يجد حلولا دائمه لكل المشاكل التي تقابله وياخد قرارت فورية لعلاج الازمات لا يتنظر حتي تتفاقم المشكلة وتتعقد
قال : نعم ويوجد حل اخر اذا زادت الازمة ولكني متردد في الافصاح عنه
قلت : انت متردد لماذا يا شيخ طلبة؟
قال : خايف من نسوان المجتمع المدني
لم اتمالك نفسي من الضحك الشيخ طلبة يخشي من سيدات المجتمع المدني
قلت : ليه يا شيخ طلبة
قال : اذا زادت الازمة فانا انصح كل امراة تحب هذه البلد وتخاف عليها ان تقدم علي طلب اجازة مفتوحة حتي تنتهي الازمة ويتم نقل المصالح الحكومية للمدن الجديدة وانشاء طرق جديده وكباري وانفاق وطرق موزاية وخطط حقيقة لحل الازمة
طبعا انا استثني من هذه الاجازة الطالبة والطبيبة والممرضة والمدرسة والتي تعول اسرتها او تساعد بشكل كبير في معاشها مع زوجها
انا اقصد تلك التي تخرج من بيتها كي تحقق ذاتها دون النظر لحال البلد
قلت : ياه يا شيخ طلبة لو الواحد تخيل المواصلات من خير ستات انا مرة واحده تخينة وقعت عليا النضارة دخلت في عيني وخرمت ماخيري وفي الاخر تقول وجعتك قوي؟
هما بيقولوا انه في مساواة وحنا زي بعض طيب ليه هما يركبوا الاول ويقعدوا واحنا نقف ويتوسع ليهم الطريق ويتعاملوا بشياكة واحنا نتبهدل
قال : يابني انت بتفتح علي نفسك النار دي نصيحتي لك لن تستطيع ان تنتصر علي المراة ليس لان لها منطق اقوي منك ولكن لان لها لسان تستغله جيدا فخلي بالك
قلت : لذلك انت تخاف من سيدات المجتمع المدني
قال ضاحكا : نعم انت مش بتشوف لو كان في حوار بين واحده منهم وراجل بيقول رايه بيكون صعبان عليا
قلت : طيب يا شيخ طلبة كنت عايز اعرف..............قاطعني وهو ينظر لساعته : انت ايه اللي مقعدك لحد دلوقتي يلا يابني وقتك خلص من زمان
قلت : كمان شوية يا شيخ طلبة انا مش بحس بالوقت معاك
قال في حزم : ليست مشكلتي انك لا تحس
ولكن ابتسم في حنان وقال : يلا اذهب الان ولا تتاخر علي ،انا في انتظارك.

43 comments:

يا عالم يا هوووووووووووو said...

ازيك يا فهد..... والله بفرح لما بشوف بوست جديد ليك....
اتكلم بجد الأول علشان بتزعلش بعد كده اهزر
في حلول كتير أوي للمواصلات..... يمكن انت قلت بعض الحلول ... ولكن ارى ان موضوع الاجازات المختلفة ده مش حل... لأن كل واحد عنده مصلحة هينزل يخلصها في يوم الأجازة ومن الأخر كل الأيام هتبقى زحمة.... في حلول كتير تانية ....ولكن قبل كل ده لازم يطبق القانون بتاع المرور.... بص على أي شارع واقف.... شوف ايه إللي موقفه.... ميكروباسات بتحمل ..اتنين زنقوا على بعض وبيتخنقوا ... وإلى اخره من السلوكيات الخاطئة... وطبعا أمين الشرطة ... خد الخمسة جنية وقعد ساكت...
الأهم من كل ده..... إزاي بيتاكل البتاع ده إللي اسمة "مش" ومش بتشرب دوم.... غريب أوي يا فهد
ثانيا انت بتكره الستات ليه... هو يعني اكمنك ضعبف وبتضرب في المواصلات تجيب كل المشكلة على الستات....
اتقى الله ياأخي
وقال إيه كمان عاوز تقعدهم في البيت.... ده انت لو شافتك الانسة ولا المدام السيدة الفاضلة "الفرخة دندة" بتاعت الحقوق المرأة إللي بتيجي في التلفزيون ...مش هتكسرلك النظارة.... لأ هتكسر زمارة رقبتك يا بني امشي جنب الحيط وبلاش كلام في السياسة.... قصدي الستات يعني....
ثانيا انت لسة ماتجوزتش وعايز تجوز.... يعني مش زي حلاتي قولت أقضيقها عزوبية أوفر.... حد يقول كدة وهو لسة ما اتجوزش؟؟؟؟؟ طب استنى لما تتجوز... على رأي المثل اتمسكن لغاية لما تتمكن
ربنا يهديك يا بني

houda said...

السلام عليكم اولا بوسث جميل عشان تكلمت فيه على مشاكل ملية كل بلد مش عندكم بس وفعلا ازمة المواصلات ازمة كبيرة لزمها حل سريع الواحد ما بقاش عارف ياخد نفس من الزحمة بس ايه حكايتك مع ستات خد بالك احنا مش حنسكت وحنعمل وقفة ضدك ههههه بس معاك حق انا شايفة ان الرجل بيتساهل بشكل كبير مع است عكس تعاملو مع رجل زيو وست كمان بتعمل نفس الشكل ودا غلط عشان احنا زي بعض .ربنا يهدينا ونبطل نفكر بشكل سلبي وانا معجبة بمدونتك صحيح هي اول مرة ازورها بس انشاء الله مش حتكون اخر مرة ومستانين جديدك
تحياتي

ro7 said...

يـــــــــاه
طيب نجيب منين احنا الشيخ طلبه
يا اخ فهد بجد ما شاء الله عليه
ربنا يزيده ويباركله
شخص مثقف وممتع جدا الحديث
معه ارجوك كل زيارة للشيخ طلبة
تحكيها لنا دون ان تنسي اي شئ منها
وشرفني مرورك علي مونتي المتواضعة
اسأل الله ان يستعملك في خدمة دينه
تقبل خالص تحياتي

Anonymous said...

انا معرفش بس اية حكاية الدوم معاك المهم والله الفكرة دى حلوة بجد بس مين يحس ويحل المشكلة دى بس انا خايف للستات يعلنو عليك ثورة او حرب والست التخينةدى اللى داست عليك تتزعمةعلى العموم ربنا معاك وخلى بالك من نفسك بس انا عاوز اقول ان موضوع الاجازة المختلفة دى حل حلو بس مين هيوافق على كدة

appy said...

بص بقى يا ابو اسماعيل تعالى اقعد جنبى كده انت والشيخ طلبه على فكرة انت اتب اسمه فى فقرة غلط
وهات معاك الطبليه نقعد عليها بما انى بموت فى كل اللى انت قولته
زماااااااااان قوى كده من كام سنه كانت الستات بتشتغل لتحقيق زيتها وسمنتها وكل اللى بيقولوا عليه بتوع حموم المرأة
انما دلوقتى والكلام موجهه للشيخ طلبه هااااا فاهم قال يعنى هو اللى قال
الستات بتنزل غصب عنها بجد انا واحده من الناس بنزل غصب عنى متطلبات الحياه بقت اكبر واللى بقت بتخرج علشات تحقق ذاتها بقت غصب عنها لانها محتاجه الفلوس دى والشغل علشان بيتها او جوزها او حتى نفسها لو هى مش كده
انما بقى اللى انت بالك فيهم بيخرجوا كده يشتغلوا غلاسه دول اساسا مش بيشتغلوا
افهمت عاد ولا نقول تانى
موضوع المرور ده حلوله كتيرررررررررر بس الدوله تنفذ بس سيبك انت مفيش احلى من الدوم

nonoymm said...

السلاام عليكم ورحمة الله
ما شاء الله لا قوة الا بالله سلم فاك يا شيخ طلبة وسلم ايدك يا اخي
بس انا دي اول زيارة لحضرتك وباذن الله ساتواصل الحكاية دي صحيحة فعلا ولا خيال
لو حقيقة
واللي قريته الاول دة صحيح بتاع
موضوع الصلح والطلاق دة
ياريت الصلح خير فالشيطان يفرح لخراب البيوت
تحياتي لحضرتك واسعدني تعليقك في مدونتي المتواضعة

fahd said...

يا عالم ياهوووووووو

ازيك يا ياسر والله بتنورني وبفرح لما بشوفك علي مدونتي

طبعا في حلول كتيره للمواصلات واهم حل انا قلته هو ان الناس يكون قلبها علي البلد

صدقني الموضوع ليه حلول كتيره والشيخ طلبة واحد عادي وقال شوية حلول ما بالك لو واحد متخصص

طبعا ده ميمنعش ان عندنا سلوكيات معفنة لكن انا اتكلم عن سيستم كامل


المش
ومن ذا لا يحب المش

انا اموت في المش

انا لا اكره الستات ولكني اكره النظرة الاوحادية الانانيه للمرأه

احب تكون النظره شمولية لمصلحة المجتمع

طبعا بخاف منهم

انا فعلا عايز اتجوز يمكن كمان نص قرن والله المستعان

انا بحاول اتمسكن بس مش عارف

سعدت بنقدك الجميل وربنا يكرمك

fahd said...

هدي

انا سعيد ان مدونتي عجبتك

طبعا انا مش ضد الستات ولا نسوان المجتمع المدني علي راي الشيخ طلبة

وبخاف طبعا

لكن الشيخ طلبة غالبا بينظر نظرة شمولية للمجتمع

طبعا الراجل بيتبهدل

وانا مش علشان المساواة المزعومه اترك اي سيدة تظل واقفة وانا اجلس

او حد يضايقها

طبعا واوسع لها

لكن الواقع ساعات بيكون صعب

سعدت بزيارتك التي ارجو الا تنقطع




روح

لو عيزة تزوري الشيخ طلبة مفيش مانع بس تدفعي كام

علي فكرة هو لذيذ وعنده مش كتير ودوم اكتر وقد اعزر من انذر

وجزاكم الله خيرا علي الزيارة

fahd said...

انمونيس

طبعا لازم نعمل جبهة مشتركه ضد تسلط المرأة

ولا اقولك بلاش الكلام ده اصلي فعلا مش قدهم

الدوم انا بكرهه وعادي لكن الشيخ طلبة لايري ذلك


سعدت بمرورك وياريت لو تسيب اسمك وتعرفني بنفسك

fahd said...

appy

طبعا مش هينفع اجيب الشيخ طلبة وطبليته ونجي

يعني اللي عايزنا يجلنا

وانا خايف المش يندلق في الطريق


تعرفي وجة نظرك تستحق التفكير

الاول شكرا علي جراءتك في عدم اعترافك بحقوق المرأه ولا شوية الستات اللي مش عايشن واقع ومش عارفين الناس مقضية حياتها ازاي وبدل ما يتكلموا عن الناس اللي هتموت من الجوع والناس اللي هتموت من المرض بيتكلموا عن تحقيق ذات المرأة ومنافستها للرجل في ميادين مش بتاعتها والكلام ده

انا مش قادر اعترض علي ان نسبة السيدات التي تعمل الان بهدف المادة اكبر كتير من ذي قبل

قبل كده كان في ستات كتيره بتروح الشغل وتصرف مرتبها علي المكياج والزينة

لكن معاكي حق

الحياة بقت صعبة

وحتي البنت قبل الزواج لازم تساعد اهلها علي الاقل في الاجهز الكهربائية وادوات المطبخ

لكن الفيصل في الموضوع كل واحد يوازن اموره ويرتب اولوياته ويحط مصلحة البلد دي في اعتباره

بس

وجزاكم الله خيرا

fahd said...

nonoymm

الشيخ طلبة لو سمع اللي انتي بتقوليه ده هيطير من الفرح

شكرا

الشيخ طلبة هذا سري وكنزي الذي احافظ عليه

ان شاء الله مفيش طلاق بلدنا حلوة وعايزه مننا مجهود ومش هنضعف مع اول عقبة

متقلقيش كل كلمة حصلت مع الشيخ طلبة هقولها هنا
بس يارب يعيش

§a§a said...

أول زيارة لمدونتك مشاء الله جميله جدا وان شاء لله اكون من متابعين دائما

تحياتى

sa'7so'7te said...

احم احم احم
ليه الغلط فينا ده بس يافندم
ماحنا بناتيت كويسين اهو و بنساعدكم فى الشغل
و بعدين انتوا ليه كلكم حاقدين علينا ان احنا بنقعد الاول
:P
بجد انا شخصيا استمتعت بعم طلبه
فكره جميله
و اسلوب كتابة حضرتك لذييذة جدا

fahd said...

sasa

سعدت بمرورك وتشرفني دايما



sa'7so'7te

بتقولي بنحقد ايوه بنحقد

قبل كده كنا بنعمل ده عن طيب خاطر

وكان ده مقياس للشهامة والمروؤه والرجوله

لكن شويه الستات بتوع المجتمع المدني خلوا الواحد متغاظ وحاقد

عاملين تتكلموا عن المساواة اشربوا بقي

سعدت بمروك الذي اتمني ان يتكرر

محمد مارو said...

اخى الفاضل
اولا اهلا بيك فى مدونتى

ثانيا بجد انت جوعتنى و خاصه من طبق المش اللى مليان فلفل مشطشط انا بموت فيه

ثالثا
شخنا الفاضل معاه كل الحق فى نظريه التشتت دى
و انا من زمان كان لى نفس الراى ده

و كمان كنت بتمنى ان يتعمل مدارس ثانوى زى الكليات يعنى تكون محاضرات او حصص للطلبه

بدل ما كلهم بيدخلوا مع بعض و يخرجوا مع بعض و بيعملوا زحمه اوى
لكن لما يكون فى حصص او محاضرات لبعض الطلاب و البعض لاء هتخفف جدا

رابعا
انا اسمى محمد مارو ( محمد مروان ) و اول مره اعرف حكايه الكاتب المغربى محمد مارو ده و اسعدتنى جدا انك قولت المعلومه دى

و كمان نورت مدونتى

الفاتح الجعفري said...

ماشاء الله اخي الحبيب
مينفعش نرشح الشيخ طلبة للرئاسة الفترة القادمه ونستريح بقي ..بمناسبة ستات المجتمع المدني مرة دخلت مصلحة حكوميه اخلص حجات كان عينك متشوف الا النور كان علي مكاتبهم جميع الخضروات بامية وبسله وكوسة وكل حاجه حسيت اني دخلت مطبخ ,ونظرية التشتت فعلا رائعه بس مين يفكر ومين يطبق
بوست رائع وجزاكم الله كل خير

fahd said...

اخي محمد مراوان

مارو

سعدت بمرورك

علي فكرة نظرية التشتت كانت موجوده لكن بقي متعرفش ايه المنطق اللي بيحكم العالم دي

شرفتني ونتمني ما تقطع الزيارة




الفاتح الجعفري

اوعدك اني اعرض موضوع الترشيح ده علي الشيخ طلبة

انا برضة كنت في مصلحة حكومية وكانت الستات رغاية بشكل فظيع لدرجة ان الرجاله كمان بقوا زيهم

وحوارهم مين ولدت مين اتجوزت عملتي ايه في ايه

كلام كده يغيظ

كان في واحد من الواقفين لاحظ ان مفيش واحده فيهم رفيعة وقال ان القعده والاكل والرغي مفيد لمشكة النحافة
اشكر لك مرورك

bastokka طهقانة said...

صحيح التفكير السلبي كارثة لصاحبه
ربنا ينعم عليك دايما بالتفكير الايجابي المبهج

اوروفوار

خبيب said...

الشيخ طلبة ده راجل زي الفل

ربنا يبارك في عمره

وكلامه زي الفل

---

أفادكم الله بنظرية التشتيت دي ..

جميلة فعلا

---

في انتظار كلام أكتر من الشيخ طلبة

أم أحمد said...

انا مش مع الشيخ طلبة في ان الستات تقعد لان فيه بنات بتشتغل لحد مايجيلها عدلها افرض بقي عدلها ماجاش وده وارد بشدة في هذه الايام تعمل أيه
تشوف لها تربة وتتاوي فيها
بس بالنسبة للمواصلات وزحمتها بجد فكرة هايلة

fahd said...

طهقانة

انا مش مصدق انك شرفتيني هنا علي مدونتي
التفكير السلبي كارثة علي الانسان

والفتكير الايجابي نعمه

جزاكم الله خيرا علي المرور



خبيب

الشيخ طلبة هيفرح بكلامك ده علي الاخر

الشيخ طلبة اهم حل قاله هو ان المسؤولين عن البلد دي يكون قلبهم عليها
جزاكم الله خيرا علي المرور


ام احمد

اولا احب ارحب بيكي اولا بمرورك وتعليقك عندي

انا مش عارف حضرتك بتتكلمي بجد ولا بتهزري

لكن انا اتحدث عن مشكلة قومية

لازم نحط لها حلول

موضوع عمل المرأة لا اتحدث هنا عن رايي او قناعتاتي ولكني اتحدث عن الاصلح للناس

ولكن هذاالحل من الشيخ طلبة اعتبره سلبي

يعني نقعد الناس علشان مفيش شوارع ولا انسابية ولا سعة مرورية

جزاكم الله خيرا علي المرور

نـــــــور said...

ماشاء الله بوست رائع ومبدع

واسلوبك جميل جدا

:)

تحياتي لك

ومعلش انا آسفة انا متوقفة عن الكتابة لحين انتهاء الامتحانات والله المستعان .. أسألكم الدعاء

إنـســـانـة said...

ما شاء الله .. طريقتك فى الكتابة حلوة جدا بجد

استمر ومنتظرين المزيد
:)

Jana said...

بارك الله فى الشيخ طلبة
بس هو كان معاك فى هندسة !!!!؟؟
موضوع القدرة المتوقعة والمجموع الجبرى للأحمال ..يقول كده انه قسم باور
ونظرية التشتت ...تدل انه خريج اقتصاد وعلوم سياسية
أما أفكاره بخصوص التنمية البشرية فتوحى انه كان
business administration

ابقى سلملى عليه
واعزمونا مرة كده على طبلية مشابهة
عرفت تنجو المرة دى من المشروب الوطنى للشيخ طلبة
هههههههه
ارجو اصلاح خطأ املائى فى اسم الشيخ فى فقرة حديثه عن السلبية

تحياتى
حفظك الله وحفظ شيخك

Jana said...

الشيخ طلبة شكله كان بيدرس برمجة لغوية عصبية
لأنه انسانى افكرك بالتاج اللى ليك عندى
:))

أسيرة said...

كلام جميل .. لكن مين يسمع ؟؟

بما إننا في بلد تحكمها أصول الديمقراطية إذا أقترح على حضرتك تقترح على الشيخ طلبه يقدم آراءة للحكومة و بإذن الله هيعملوا اللازم معاه

لا أظن هذه هذه البلد بقى بها شيء لم تصل إليه أيدي الخراب .. أذكر لي مثال على شيء يُشعر الإنسان بالسرور فيها .. إذا وجدت أخبرني رجاءا


بمناسبة موضوع الأحمال إللي ذكرها الشيخ في المُقابله .. لو مكنتش خدتها في الكليه مؤكد مش كنت هفهمها

سؤال بسيط .. هو الشيخ طلبه بيشتغل مُهندس في أوقات الفراغ ؟؟

fahd said...

نور

يلا شدي حيلك

ربنا معاكي ومع كل الناس اللي بتمتحن

اشكر لكي مرورك



انسانة

جزاكم الله خيرا علي هذا الكلام الجميل

انتظر مرورك دائما

fahd said...

jana

هههههههههههه

الشيخ طلبة ممكن يموت من الفرح لما يسمع الكلام ده

هندسة واقتصاد وبرجمة وكل ده

طبعا ده الشيخ طلبة ولو مكنش كده مكنتش رحت له

اوعدك بالتاج ان شاء الله بس برضة متنسيش ليكي تاج عندي من الشيخ طلبة ان شاء الله

اشكر لك مرورك وتشريفك وبصماتك الجميلة


اسيرة

طبعا الشيخ طلبة اعقل من ان يكلم الحكومة
والشيخ طلبة مش بيقول حلول

الحل اللي جاي يقوله انه يكون في ناس قلبها علي البلد دي

انا شايف نظرية الاحمال مش صعبة ان بس متواضعه

ثانيا الشيخ طلبة رجل عجوز مسن هيشتغل ازاي بارت تايم ان كان بيشتغل اصلا

متشكر جدا لحضورك

بس هو ليه اسيرة؟

المستنصر بالله said...

جميل قوى الشيخ طلبه
يابختك بيه
ربنا يبارك فى عمره ويزيدة علما

احمد الجيزاوى said...

تحاتى الى الشيخ طلبه
ولك ايضا
احمد الجيزاوى

appy said...

انت قعدت جنب الشيخ طلبه تعرض عليه مواضيعى ههههههههههههههه
عموما اتباحسوا على الطبليه وابقى قولى على فكرة ميرسى لردك عند الناس هناك عنى لان الموضوع له ابعاد كتير وغيرة بعيد عنك منهم ولما حبوا يكدبوا كدبوا غلط لان الناس قريت المقال هو مانكرش الكلام هو لعب على كلمتين طاروا وانا اخدتهم فى الكوبى والبست علشان الطباعه طيرتهم بس طبعتها تانى وعنشرتها لو عاوز تتأكد من البوست
ميرسى ليك خالص يا فهد
وعندى خبر حلو ابقى شوفه

fahd said...

المنتصر بالله

جزاكم الله يا اخي

وربنا يخليلي الشيخ طلبة ويحفظة

صحيح انا خايف عليه مش عارف هعمل ايه من غيرة

مشكور علي المرور اتمني زيارتك مجدد




احمد الجيزاوي

ربنا يكرمك يا اخي

اوعدك ان اصل تحياتك للشيخ طلبة وسيسعد بذلك

fahd said...

appy

طبعا يسعدني اطلالتك علي مدونتي

انا عملت اللي اي حد المفروض يعمله

ربنا يكرمك

انا سعيد جدا بالاخبار الحلوة والف مبروك

ايمن الشلتوني -ابو حسان- said...
This comment has been removed by the author.
كريم الشاذلي said...

ما شاء الله تبارك الله
كلام حلو جدا .. حس أدبي عالي ..
سعيد بالوقت الذي أمضيته هاهنا ..
سأكون ضيف دائم بكل تأكيد ..
بجد استمتعت جدا

fahd said...

استاذ كريم

سعيد جدا بمرورك عندي وتعليقك الجميل ده

اسعدتني بجد ربنا يكرمك

شرفتني

مشتاق لله said...

السلام عليكم الحق تسلم اياديك بس انا كنت اطالع التدوينة وكنت جائع فشد انتباهي الزبد البلدي والبيض--ههههههههههههه بارك الله في قلمك -علي فكرة عن اي ظاء تتحدث ارشدني اليها لو سمحت ولك التحية

محمد الجرايحى said...

السلام عليكم ورحمة الله وبركاته
أحييك أخى الكريم على هذا الطرح القيم والأسلوب المميز والذى حوى أفكار وآراء جديرة بكل التقدير والاحترام

بارك الله فيك وأعزك
أخوك
محمد

أبو خالد said...

شيقة اوي قصص الشيخ طلبة ده
استمر استمر
ومين عارف يمكن قدام شوية تعمل له مدونة مخصوصة
حكاوي الشيخ طلبة
:D

- مدونة لساني هو القلم - عبدالرحمن فارس said...

هيييييييييييييييييييه

والله زمان يا شيخ طلبه

المخبر العام said...

أنا كتبت تقرير في شيخك دا
فالمرة جاية مش هتلاقيه
عشان بعد كده مافيش حد يعمل مفتح في البلد دي

fahd said...

مشتاق الي الله

يا اخي لو جعان تعالي متتكسفش البيت بيتك

سعدت بمرورك اتمني ان تكرر الزيارة




محمد الجرايحي

ربنا يكرمك يا اخي

اشكرك علي هذا التقدير

fahd said...

عبد الرحمن فارس

نورت المدونة يااخي

يسعدني مرورك دائما



المخبر العام


ليه يا خي كده انا عملت ليك حاجه


طيب بلاش الشيخ طلبة يعرف الكلام ده