Friday, May 30, 2008

التاج والقصر والشيخ طلبة

كنت اعد اللحظات التي تفصلني عن لقاء الشيخ طلبة
وقبل لقاءه اتخيله
نعم اتخيله واعيشه كلمة كلمة
ذهبت كالمعتاد وفي نفس المعاد
وطرقت الباب برفق وفتحت لي كالمعتاد تلك الزهرة الصغيرة حفيدة الشيخ طلبة ولكنها كانت باكية
كانت تبكي
ووقع قلبي وزاغت عيني ..قلت لها بصوت مرتجف وانا اخشي الاجابة : اين الشيخ طلبة؟
قال لي من بين دموعها وبصوت مخنوق : تعب جامد وراح المستشفي
كأن شيء داخي قد انكسر وحاولت دموعي ان تفر وقلت لها : طيب انا عايز اعرف هو في اي مستشفي وفي اي قسم ؟
جرت الصغيرة بحزنها ورجعت بورقة قد كتب فيها ان الشيخ طلبة في القصر العيني في القسم 23 العناية المركزة
اخذت منها الورقة وطرت نحو القصر العيني
لم تكن هذه وقت الزيارة ولكن كان معي كارنية النقابة الخاص باخي وهو طبيب ولم يكن فرق الشبة واضح
دخلت العناية وانا تسبقي قدماي وتسبقني دموعي وتسبقي الاحزان
لم يستوقفني احد فظنوا اني طبيب نبطشية حيث كان الوقت متأخرا
وكان هناك
نائما في وداعة علي سرير ابيض تحيط به ستائر وعلي وجهه قناع الاوكسجين وتمتد من يده وذراعه اسلاك وخراطيم كثيره
لم املك نفسي فهبط اقبل يده
لا ياشيخ طلبة
ارجوك لاتموت
لا تموت كما مات كل رمز كبير في حياتي
لا ياشيخ طلبة لا استطيع ان اري هذه القصة تتكر امامي مرة ثانية
لا تموت قبل ان ادرك كيف يموت الانسان
كيف ينتقل الانسان من عالم الي عالم
اعرف اين يذهب ولكن عقلي لايزال صغيرا
لم يستوعب بعد معني الموت

وشعر بيد تمسح علي شعري
رفعت راسي ووجدته يبتسم خلف القناع
الحمد لله
كان هناك مرور فسألت الطبيب عن الحالة فقال لي : انها كانت جلطة في القلب والحمد لله استطعنا ان نذيبها وسيكون بخير ان شاء الله
قلت له : ومتي سيخرج
قال : بعض الفحوصات المهمه وقد يحتاج الامر لعمل قسطرة لمعمرفة مدي تأثير الجلطة علي قلبه

عدت للشيخ طلبة وقد تجدد لي الامل في انه لن يموت قريبا
قد عدت مرحلة الخطر والحمد لله
رفع هو القناع قليلا عن وجهه وقال : كنت اتوقع قدومك وانتظره كنت اود ان اراك قبل ان ارحل
قلت له : ايه الكلام ده يا شيخ طلبة ...متقلش كده
وقلت له الكلام الذي يقال في هذه الظروف :
الدهن في العتاقي (لا افهم معنها ولا اعرف هل تصح في هذا الموقف ، اذكر انني عندما انجبت امي اخي الصغير وكنت صغيرا قلت لها كل سنة وانتي طيبه)وهتبقي زي الحصان
وانت بتدلع علينا علشان تعرف غلاوتك عندنا
وانت .......و

انهي كل كلامي الذي اعتبره هلس بأن اشار للمرضه التي جائت في سرعة وبدأت انا اشعر بالقلق
اشار لها اشارة ذات معني
فذهبت وعادت كانها ملسوعة وكان معها ورقة وكوب
اعطتني الورقة والكوب فنظرت للشيخ طلبة ما هذا؟
قال بكل براءة : كنت اعرف انك ستأتي لذا طلبت من الممرضة ان تحضر لك العصير الذي تفضله،؟
قلت وبكل ذهول : لا ياشيخ طلبة دا كتير والله
وشعرت بحالة انهيار فقالت الممرضة بكل وداعة : متخفش ان شاء الله الشيخ هيقوم ويبقي زي الحصان متزعلش نفسك
كنت اود لو اخنقها ولكني قلت : الحمد لله

قال الشيخ طلبة واشار الي الورقة التي نسيتها : دي يابني شوية اسأله كنت كتبتها قبل ما اتعب عايزك تجاوب عليها علشان اطمئن عليك
قلت له : تاج يعني ؟
قال وقد شعر بان الصدمة اثرت علي عقلي : تاج ايه يابني بقولك شوية اسأله
قلت في نفسي تاج الشيخ طلبة دي حاجه عال قوي
قال هتلاقي الاسئلة مابينك وبين نفسك وما بينك وما بين الله وما بينك وما بين المجتمع والناس
ثم نظر لساعته وقبل ان يقول قلت انا : اعرف وقتي خلص
ابتسم وقال لي انتظرك

خرجت من عنده وامسكت بالتاج وكان به عدة اسئلة غير مرتبة وبدأت اقرأ

كل كائن حي جاء لهذا العالم يعرف هدفه الذي جاء من اجله فما هدفك؟


ما هي رسالتك في الحياة؟


هل لك خطة مكتوبة تقرأها قبل ان تنام كل ليلة؟


اخر مرة كنت فيها قربيا من الله وتتمني لو تعود هذا اللحظة؟


من وجهة نظرك ايه اساس المشاكل التي نعيشها الان في مصر؟


اخر مرة حاسبت نفسك؟


هل حددت ما تريد ان تكونه بعد عشر سنين من الان؟


لو جاءك الموت في اي لحظة هل تركت للناس شيئا مفيدا يذكرونك به؟

كم واحد ساعدته واخذت بيده لينجح في حياته مع نفسه وينجح في علاقته مع الله ؟


هل انت مستعد للتضحية من اجل ما تؤمن ؟


كان هذا اخر سؤال واصعب سؤال
انا سوف اجيب عن هذه الاسئلة
وارجو من كل واحد منا ان يجيبها فيبدو انها وصية الشيخ طلبة حتي وان لم يمت بعد

38 comments:

عصفور المدينة said...

إيه التدبيسة دي يا فهد
مبروك التاج فين الإجابات

على فكرة كانت بنتي في العيد بتقول دايما حمدا لله على السلامة

ro7 said...

وقعت قلبنا
وحزنتنا
ربنا يقومه بالسلامة
ويتم شفاؤه
عايزاك تسلملي عليه
وخليه يدعيلي
وفي انتظار اجابات التاج
اسأل الله العظيم رب العرش العظيم
انا يشفيه

Diyaa' said...

السلام عليكم :)
الأول بعتذر يا فهد علي تقصيري..بس معلش والله امتحانات ومزاج مش عال
تاني حاجة أنا سعيد أوي إني شفتك في عمر بوك ويا ريت تتكرر تاني :)
تالت حاجة
ربنا يقوم الشيخ طلبة بالسلامة ويخفف آلامه ويخليهولك
رابع حاجة..ملحوظة سريعة..إدراكك لكيفية موت الإنسان مش إدراك مادي
بمعني..عشان تبقي مدرك بجد يبقي لازم ينقلك التجربة ميت سابق ..هتعتبرني بهلوس صح ؟ استني بس
لكن لو فكرت فيها...وفكرت في اسئلة الشيخ طلبة
الإنسان بيموت لما بتموت كل ذكرياته الحلوة وما يسيبش وراه عمل صالح (صدقة جارية ) ولا ولد صالح ولا حتي علم ينتفع بيه..زي ما اتعلمنا من حديث الرسول عليه أفضل الصلاة والسلام
فالموت للجسد ده شئ طبيعي جداً
واه متعب لأحباء اللي بيموت جسداً
لكن المؤلم أكتر موت الذكري وموت الأحترام والحب للفقيد
عشان كده الشيخ طلبة سابلك الاسئلة..لو جاوبتها صح وفهمت مقصده من وراها..هيفضل الشيخ طلبة جواك علي طول ..
بالتوفيق في الإجابة علي الاسئلة الصعبة دي ..وهجاوبها ..بس أخلص امتحانات
بإذن الله
خالص التحية
سلام

يا عالم يا هوووووووووووو said...

إيه الحلاوة دي واد
بتتألق كل مرة
ماشي يا عم
سلام

rovy said...

الف سلامه على الشيخ طلبه
التاج ده اهم تاج قابلنى انا حأنقل الاسئله واحاول ارد عليها مع نفسى
لانها مهمه فعلا قوى والاهم اننا تقدر نجاوب بصدق مع نفسنا .
جزاك الله خيرا
تحيانى
rovy

Anonymous said...

اولا انى احبك فى الله ثانيا والله الموضوع دة جميل جدا جدا ومعرفش لية انا حسيت ان الكام سؤال دول موجهين لية انا معرفش لية بس دة اللى انا حسة بس فى الحاضر انا اعرف اجاوب عليهم انما لو كنت بامانة اتوجهولى الكام سؤال دول فى الماضى مكنتش هعرف اجاوب بس الحمد لله انا دلوقتى حاسس انى اعرف اجاوب عليهم فعلا دة عن نفسى بس انا عاوز اعرف حاجة بجد ويريت تبقا تجوبنى عليها هو الشيخ طلبة دة شخصية حقيقية اصل لو مكنش كدة يبقا انت خوفتينى وخلاص كدة على الفاضى عشان انت وقعت قلبى لما قلت انة فى العناية المركزة ويبقا حرام عليك بجد وبعدين لو جرالة حاجة لقدر الله كدة انا مش هلاقى حد يعقدك ويقلك وقتك خلص زى مبتعمل معاية ويارب يارب ربنا يقومة بالسلامة

حنين said...

ألف ألف سلامه على عمو طلبه وربنا يقومه بألف سلامه, وألف لا بأس عليه. أنا الأول كنت فاكره عمو طلبه شخصيه خياليه. بس الا هو فى حد زى عمو طلبه, أسال الله العظيم رب العرش العظيم أن يشفيه, وبيحيك بقى على كتا بتك, بجد ما شاء الله, وأسئله عمو طلبه والله انا كنت بسألها لنفسى, بس ما جربتش اجاوب عليها, وأحسن بقى تحزف المدونه بتاعتك لغيت ما أخلص امتحانات.. هههههه

مشتاق لله said...

الرائع فهد اثرت في القصة جدا كان عندي اجابات علي الاسئلة ديت من شريط انتجة المدهش طارق سويدان اسم الشريط 0كيف تغير نفسك0
تحياتي

appy said...

hi انا اللى جبته لنفسى طيب عيب كده بقى او سمحت
يعنى هو يدبسك فى العصير وانت تدبسنا فى الاجابات
بقولك ايه جاوب انت الاول خلينا نغش ههههههههههه

الفاتح الجعفري said...

اخي الحبيب
ربنا يبارك فيك ويحفظك
والف سلامة علي الشيخ طلبة شفاه الله وعافاه
وتاج رائع جدا ,وهذه الاسئله حتما سنجيب عليها يوم من الايام لان بعضا لابد ان نسأل عليه
قال رسول الله صلي الله عليه وسلم"لاتزول قدم عبد يوم القيامة حتي يسأل عن اربع"
منها عمره فيما افناه وشبابه فيما ابلاه
وجزاكم الله كل خير اخي الكريم

باب البحر said...

شفاه الله و عافاه ( و أظن أنه شخصية غير حقيقية).

أسئلة نحتاج أن نسألها لأنفسنا كل ليلة .. أستأذنك في النقل أخي.

و شكرا لزيارتك الغالية.

monaliza said...

أٍسئلة حلوة جدا وبالنسبة لى اجابتى كلها تدور حول رضا الله ودخول الجنة
وفى انتظار اجابتك

آخر العنقود said...

السلام عليكم
انا عارفة انى مقصرة وبعترف بكده
بس بجد انا مش اول مرة اقرأ فى مدونتك بس كانت قراءة صامتة
بس خلاص باذن الله هكون متواجدة دائما بالتعليق

هوه بصراحة انا مش عارفة الشيخ طلبة حقيقي ولا لا
بس واضح من بعض التعليقات انه شخصية واقعية
"الله اعلم"
بس حواراتك معاه دايما جميلة ومفيدة بجد
وعجبني جدا البوست اللى فات
كان رائع
وده بقى
شوية اسئلة لابد منهم
ولازم فعلا كل واحد يسالهم لنفسه ويجاوب عليهم
تحياتى ليك
وفي انتظار الاجابة

تقبل مرورى

fahd said...

عصفور المدينة

ضحكتني والله يا اخي

ربنا يكرمك




روح

ربنا يقومه بالسلامة ان شاء الله

وانا انتظر اجاباته منك

fahd said...

ضياء

ياعم ربنا ييسر لك الحال انا عارف الامتحانات ربنا معاك

كلامك جميل عن ادراك الموت

سعدت بمرورك ويلا خلص امتحانات بقي





ياعالم ياهوووووووه

ربنا يكرمك يا اخي

دعواتك

fahd said...

rovy

جزاكم الله خيرا

ياريت

فعلا الاسئلة جميلة وصعبة جدا




محمد صابر

احبك الله الذي اجببتني من اجله

كويس انك تقدر تجاوب علي الاسئلة دي الان
اراك قريبا

fahd said...

حنين

جزاكم الله خيرا علي هذا الكلام الرقيق

دعوتك ستصل للشيخ طلبة

ويلا هانت كلها ايام قليلة والامتحانات تخلص

ربنا يكرمك

اسعدني مرورك




مشتاق الي الله

جزاكم الله خيرا يا خي

رائع طبعا طارق سويدان ياريت تسمع الشريط ده لاي حد تعرفه

fahd said...

باب البحر

ربنا يكرمك يا اخي

وطبعا الاسئلة دي للناس كلها

دي وصية الشيخ طلبة



موناليزا

وانا انتظر اجبابتك

اشكرك علي المرور

fahd said...

اخر العنقود

سعدت بمرورك

اشكر ليكي اطرائك الرقيق

انتظر اجاباتك

المستنصر بالله said...

الحمد لله انه بخير
اساله جميله نتظرين اجاباتك عليها هاحاول اجاوب عليها
بلغ سلامنا للشيخ طلبه

جمعاوى روش طحن said...

ياااااا...لكم نفتقر إلى أمثال الشيخ طلبة

فليعد للدين مجده said...

لقد أحببتك واحببت شيخك طلبه
ربنا يشفيه ويعافيه
شيخك يتميز بذكاء عاطفي
ربنا يجمعنا علي الخير
تحياتي

سومه...مجنونه فى بلد عاقل said...

سلامه الشيخ وربنا يقومه بالسلامه ويتم شفاه....بس التاج جميل وانا حجاوب على اخر سؤال نعم استطيع التضحيه بكل ما املك ولو انى لا املك الا حياتى ...واضحى بيها لتحقيق ما اؤمن به وما اؤمن به هى حريه وطنى وقدرته على الاستمرار رغم كل القيود
تحياتى ليك بشده ...معرفش بعد عشر سنين ممكن اكون ايه بس على الاقل نفسى اكون انسان
سوه_87

fahd said...

المنتصر بالله

انا انتظر اجابتك عليها

اشكرك علي المرور



جمعاوي


نعم لكم نفتقر لمثه وربنا يخليه لينا

fahd said...

فليعد للدين مجده

سيدي لكم سعدت بمرورك وتعليق الرقيق

ده شرف عظيم بجد والله

كم انا ممتن








سومة

جميله اجابتك لكن في باقية الاسئلة

§a§a said...

الف سلامه على العم طلبه

وفى انتظار اجابه الاسئله

وفعلا الاسئله جامدة اوى

تحياتى

son's egypt said...

السلام عليكم
ايه اخبارك يا بشمهندس
وايه ىاخر اخبار الشيخ طلبه
ياريت يكون بخير

Mojahed4ever said...

فعلا تدوينة ممتازة يا أخي جزاكم الله خيرا
موضوع جد خطير لا ينتبه له أغلب الناس عموما والمسلمون خصوصا بافتراض انهم يعلمون حقيقة حياتهم و مألهم بعدها.

دمجت الحديث عن الموت والغايه والتضحيه في موضوع أكثر من رائع و بأسلوب اقل ما يقال عنه أنه جذاب ومشوق و مؤثر.

بارك الله فيك و في مدونتك و جعلها في ميزان حسناتك

ammola said...

السلام عليكم
ربنا يشفى الشيخ طلبة ومرضى المسلمين
ربنا يعفو عنك ويهدى الشيخ طلبة ويعفيك من عصير الدوم..مع انى شخصيا باحبه-مش هو ده اللى بيتعمل باللبن عند أشرف فرغلى؟؟
اقولك حاجة..التاج بتاع الشيخ طلبة عمللى حالة ذعر وفزع..لانى لو جاوبته حاخد بيج زيرو
يعنى بيتهيألى عصير الدوم أرحم من مجرد التفكير فى التاج
مدونتك من القلائل اللى ارتحت نفسيا جدا للتجول فيها..مش عارفة طريقة كتابتك بتفكرنى بطريقة برنامج كنت باسمعه رغما عنى لان والدى كان بيسمعه لكن كان حلو أوى أسمه"قال الفيلسوف"مش عارفة أنت تعرفه واللا لأ
ادعى لى يا فهد..اسئلة التاج حقيقى تعبتنى جدا..أنا أصلى من الناس اللى لما يفكروا يجيلهم صداع نصفى
ياللا سلام بأه تلاقيك زهقت

ibn nasser - ابن ناصر said...

سؤال واحد
مين الشيخ طلبه ده ؟
تحياتي

fahd said...

sasa

الله يسلمك

ان شاء الله التدوينة القادمة




ابن مصر

الشيخ الحمد لله بخير

شكرا علي سؤالك ومرورك

fahd said...

مجاهد

اخي الحبيب جزاكم الله خيرا

سعدت بمرورك ربنا يكرمك



امولة

ان كان من شأن تعليق ان يسعدني فسيكون تعليق

جزاكم الله خيرا

اول مرة اشوف حد بيشرب منقوع الدوم

كويس والله

انتظرك مجددا

fahd said...

ابن ناصر

لا طبعا مش هقول لك

بس تعرف تعليقك عندي ده بسطني جدا

وعلمني حاجه في دنيا البشر

والاختلاف

انا لسه كاتب عندك تعليق شديد شوية لكنك استقبلته بهدوء بل علي العكس جيت عندي وبكل شياكه تعلق علي موضوع عندي

ربنا يكرمك يا اخي

ونتمني ان نلتقي دائما

الفاتح اليعقوبي said...

السلام عليكم
ايه ياعم فهد هاتخلص علي الراجل مش كده
والله رغم كل شئ يبقي هؤلاء الناس من امثال عم طلبة وغيره يمثلوا جانب الحكمة الذي يفتقده كثير من الشباب
والاسئلة بقي كل واحد يجاوب لواحد علي جنب
بس التاج كان نقصه سؤال صغير
منقوع الدوم بيمثل لك ايه ؟؟؟؟

والسلام

الربان said...

اخي الكريم فهد...

تحياتي

حضرتك استغليت مرض الشيخ طلبة و الحقت به التاج...فكرة جديدة..تاج غير مباشر....و يبدوا ان الشيخ طلبة رفع ايده الشمال حتي ينبهنا ان التاج غير
مباشر...علي وزن الحكام حين يرفعوا اليد اليسري...

جئت الي الحياة بأرادة الاهية...هدفي
ان اكون و سطيا...يعني لا افراط او تفريط...اعبد الله ...و استمتع بالحياة
لكن بدون ما حرم الله.

بصراحة شديدة ليست لي رسالة محددة في حياتي...اري نفسي دون ذلك...
لكن بالتأكيد لي هدف...او اهداف..منها
و اولها ان اكون راض عن نفسي و متوافق بين الروح و الجسد...و متوازن .
لو استطعت تحقيق بعض هذه الاهداف فسأكون بالتأكيد علي الطريق الصحيح
لرضي الله...

لا توجد خطة مكتوبه...لكنني احسب انني افكر فيما ينبغي القيام به غدا..

من وجهة نظري ان المشكلة الاساسية هي
عدم وجود وازع...وازع ديني ..اخلاقي..
لو وجد مثل هذا الوازع الذي يفترض ان
يكون الضمير....لتغيرت الحال.

احاسب نفسي دائما...بعد كل موقف او فعل...هل اصبت ام أخطأت...مراجعة النفس و تربيتها علي المحاسبة مهم جدا.

لم أحدد...لكنني أتأمل من الله ان يحقق لي
احلامي...و ان أكون شيئا مذكورا بالخير.

الموت....ربما اكون قدمت لحياتي...لكن بالتأكيد ليس كما أحب و أتمني...
كل واحد منا اكيد له حسنات تذكر...قلت او كثرت.

لا ادري هل استفاد من نصحت ام لا...

التضحية شيء نبيل...لكن يتوقف المبدأ علي عوامل كثيرة...منها ماهية التضحية
نوعها...اثارها...لمن تقدم...و هل هي
ابتغاء مرضاة الله ام لكي يقال عني...
اشياء كثيرة مطلوبة.

تحياتي و تقديري و اشكرك...علي التاج
الجميل و ياريت تجاوب حتي نصحح اجابتنا
علي اجاباتك...

خديجة عبدالله said...

ربنا يكرم شيخك الكريم ويقدرله الخير كله ويقوم بالسلامة إن شاء الله

وربنا يرضيك يا أخي ويوفقك لما يحب ويرضى ..بس ممكن سؤال

هو لازم نجاوبها على الملأ ينفع كل واحد مع نفسه ولا ده شرط من شروط التاج ؟

مدونة حضرتك جميلة جدا جدا بتابعها من فترة كبيرة لكن كسل لا أعلق بس شدنى موضوع إن الشيخ تعب خفت صراحة ربنا يباركلك فيه ويجمعكم دوما فى الخير

آفاق الحرية said...

والله من كلامك انا حبيته جدا
ربنا يشفيه ان شاء الله
تحياتي

فضايح المدونين said...

اتفضلوا بزيارة مدونتى
http://scandal-blogger.blogspot.com
واتمنا اشوف ردودكم
تحية لكم