ياذا الجدع الامير

ماذا تريد ان تعرف

اه يا عفريت
اعرف انك تريد ان تعرف سر الاسرار
اممممممممممممممممممممممممممممم
يا سيدي لا استطيع البوح
فشخط في شخطة وقال :فتنطق والا امرت السياف ان يقطع صباعك
ياعم خلاص متزقش هقول هقول
فقال :ايوة كده عالم تخاف متختشيشش
انا فعلا اخاف ما اختشششيش
يعني ايه مختشيش
انا يا ذا الجدع الامير
حبيت
او لا لا
مش ده اللي حصل
انا غرقت في بحر كبير
مشيت بسفنتي العرجاء


اهو حمارك الاعرج ولا السؤال اللئيم


قوم ايه



انا مشيت
وابحرت في البحر
قوم ايه
لقيت نفسي دخلت في خليج كده
زي خليج نعمة
او الشبرواي
قوم ايه
لقيتني بتسحب غصب عني يا ذا الجدع الامير
اكني تحت تأثير جنية او ساحرة مشعوذة
بيني وبينك يا ذا الجدع الفار لعب في عبي
بس قلت يا واد هتخاف ليه
انت جامد وقوي وشديد
وظلمة البحر تخاف منك
والحوت والقرش يعمل لك حساب
وانت امير البحار من زمان
من ايام احمس

ثم انت شجاع ما تهاب الموت
والموت بيجي مرة واحده
فاما ييجي او يستني معاده
قوم ايه يا ذا الجدع الامير
قلت انا هسيب نفسي
انا مش خايف
لكن يا ذا الجدع الامير لقيت حولين السفينة عرايس بحر حلوين حوالين السفينة
بتعوم وتلعبط
قلت في عقل بالي ايشي خيال ياناس
داحنا ليلتنا موز جدا
وفضلت السفينة ماشية لوحدها من غير دفة ولا عجلة
ولا شراع ولا بخار
ماشية كده
ونبات الحور حوليها
بيحرصوها
من ايه مش عارف
او اكنهم بيأمنوها
انا قوي يا ذا الجدع الامير
ومش هخاف
وانا ادخل اتخن خليج
ولا يهمني


صحيح قالوا ان المكان مسحور
وفيه جنية عفريته
بس انا برضة الاسد الصهور
ومحدش ميعرفش مين انا
دخلت يا ذا الجدع الامير اكتر
لحد لما وصلت لكهف كبير في البحر طالع زي بوابة نصها في البحر ونصها في الهوا
السفينة وفقت يا ذا الجدع الامير
وفجأة الدنيا قعدت تمطر
بس انا مخفتش
فجأة شفت نور ساطع من داخل الكهف
حسيت يا ذا الجدع الامير ان النور ده بيشدني
انا جامد يا ذا الجدع
وعلشان كده مخفتش
انا ما اهاب الردي
قومت نطيت يا ذا الجدع في الماية
وعمت شوية ووصلت للكهف
وعيني علي النور اللي بيسطع ويختفي
دخلت الكهف يا ذا الجدع
لقيته عميق
مش جايب اخره
فضلت عايم
شميت رائحة عطر جميلة
قلت اكيد فيه هنا سر كبير
الضوء يسطع ويبعد
وانا ماشي واره
واذ فجأة يا ذا الجدع الاقي هضبة كبيرة
وسرير جميل وكبير
بالحرير والستان
كانت اوضة كبيرة منحوته في الكهف
قلت ماشاء الله
بس السرير كان مداري
عليه ستاير ستاير
بيضا وشفافه
بس مش شايف مين جواه
طلعت بشويش
وهدومي مبلولة بتنقط
مشيت واحده واحده
بتسحب
ولسه بشد ستاير الحرير
واوباااااااااااا
معلش انا نمت

عارف مين كان نايم علي السرير الوردي
والستاير الجميلة البيضا
والورد الاحمر البلدي المفروش حواليه
والعطر الزاكي كان مالي المكان
أكيد كان حد جميل
نايم جوه في دلال
بس انا محترم
ايوة والله العظيم
انا راجل اعجبك
قعدت اتنحنح
واتنحنح
بس محدش قال حاجه
قلت بقي مبدهاش
وشلت الستارة بسرعة
والاقي ان السرير فاضي
وفيه بوكية ورد احمر طالع منه زنابق بيضا
قلت اه انها الخدعة
انا محدش يخدعني يا ذا الجدع الامير
بس ساعتها حسيت ان فيه صوت ورايا
لقيت الكهف بيتحرك يا ذا الجدع
كل الجدار اللي خلف السرير الكبير بيتحرك
وفجاة سطع ضوء عالي
قلت لنفسي انا مغفل
ازاي ماخدتش بالي ان فيه ضوء
ومنين السرير ده
لما فقت وعرفت اني اتخدعت وكان ممكن حد يقضي عليا
سمعت ضحكة عالية يا ذا الجدع الامير
كانت ضحكة جميلة عذبة
صحيح بتسخر مني
لكني حبيتها
حبيت الضحكة مخك ميرحش بعيد
وقعد ابص حواليا ملقتش حد
وسمعت الضحكة تاني
الضحكة وصداها في الكهف
وصوت الماية
بصيت تاني


وقلت ادخل الكهف
مشيت شوية
اكتشفت اني شايف صورة معكوسة علي زجاج لامع
انا امير البحار العظيم اتخدعت مرتين
وبصيت حواليا وفوق وتحت
والضحكة بتزيد وبتعلي
وانا محتار
رحت مطلع الخنجر من جراب في رجلي
وقلت بصوت عالي
صوت فضل صداه يتردد
عالي عالي
انا امير البحااااااااااااااااااااار
والكهف يردد ورايا
ااااااااااااااااااااااار
مين هنااااااااااااااااااااااااااااااااااااااااا
انا ما بخاف الموت ولا الرداااااااااااااااااااااااااااااااااااااا
اطلع لو راجل
بارزني
ني ني ني ني ني ني
انا اموت شريف
ايف ايف ايف ايف
احسن ما اموت بخدعة حقيرة
قيرة قيرة قيرة قيرة
دا الكهف اللي بيقول كدة يا ذا الجدع الامير
فجأة لقيت
اميرة ذات حسن وجمال سبحان من صور
كانت لابسة الحجاب علشان لسه في الخطوبة
وتونك
انا مش فاكر يعني ايه تونك يا ذا الجدع الامير
بس حسيت انها ممكن تكون لبساه
كانت بدر
بيني وبينيك كان الخنجر هيقع من يدي
وحسيت بالندم
اني زعقت في قمر جميل كده
قالت وهي تلاحظ ملامحي
اهلا بيك يا امير البحار