Wednesday, February 4, 2009

الشيخ طلبة علي الاسكاي بي

اشتقت كثيرا للشيخ طلبة ،وتاقت نفسي لرؤيته وما زاد شوقي التهابا هو سفري وبعدي عنه
بعد سفري فجأة شعرت بحنين لكل الناس
كل الناس وحشاني
حتي الناس اللي عمرها ما وحشتني
حتي الشارع والبقال
والبلد
كل شيء اتمني ان اضمه الي صدري
وكان الشيخ طلبة من اهم الاشخاص الذين افتقدهم هنا في السودان
كان الشيخ طلبة بمثابة نقطة الارتكاز ونقطة الانطلاق وتلك النقطة الثابتة التي اقيس عليها اخطائي او افكاري
كنت اتمني ان يكون لي جد حكيم حنون الجأ اليه
ولكنهم ماتوا قبل مولدي وعوضني الله بالشيخ طلبة
اتفقنا علي ان نلتقي علي الشات في المساء الساعه السابعه
اكيد احد احفاد الشيخ طلبة هيظبط له المسائل فلم تكن من اهتمامات الشيخ طلبة الشات او السرمحه علي صفحات النت
وقبل الموعد جلست امام جهازي –علي اعتبار اني مش قاعد امامه اصلا-انتظر الشيخ طلبة
وهل الشيخ طلبة علي الماسنجر
وبدأت معاه ذلك الحوار الممتع
انا: السلام عليكم ورحمة الله وبركاته
ردالشيخ طلبة بعد فترة انتظار : وعليكم السلام ورحمة الله وبركاته ،ازيك يا حبيبي وحشني ،اشتقت اليك ايها الوغد
قلت وانا لا تساعني الفرحة :والله وانت اكتر يا شيخ طلبة ،الحياة صعبة من غيرك
قال الشيخ طلبة بكتابه متهدجه وحروف حانية : عامل ايه يابني ،ايه اخبارك طمني عليك ،عايش ازاي و
قلت :الحمد لله يا شيخ طلبة الدنيا هنا تمام بس الحنين يا شيخ طلبة وطعم الغربة مش حلو
قال : الحمد لله انك بخير ،معك حق الغربة صعبة ولكن دي فرصه كبيرة انك تتعلم ،فرصه انك تبعد عن كل ما اعتدت عليه اهلك وبيتك واصدقائك ووطنك ،فرصه ان تبتعد كي تقيم كل حياتك ،حياتك تحتاج لتقييم ،كل افكارك وتصوراتك وعلاقاتك ، وستكون لك فرصه قوية ان تستطيع التغيير ايضا
قلت : نعم يا شيخ طلبة ،انا فعلا بقعد افكرفي حياتي اللي مرت هل عشتها كما ينبغي ام ان هناك ما يجب ان اغيره ،وهناك عيوب في عجزت ان اغيرها اجد ان الفرصه حانت كي اداويها وصفات لم تكن في اسعي الان ان اكتسبها
قال الشيخ طلبة :ربي يوفقك يا بني ،اوعي تبص كده او كده او تلعب بديلك
انا لم اتمالك نفسي :هههههههههههههههههههههههههههههههه
قال بحروف بها رنة غضب : تحشم يا ولد
قلت : يا شيخ طلبة هنا غض البصر اجباري ، العفة هي الخيار الوحيد
قال : امال ايه اخبار سته الشاي؟
قلت بحذر :مالها يا شيخ طلبة ؟ هو انت شفت المدونة ؟
قال :المفروض اهلك يجوزوك قبل ما تجيب لهم مصيبة
قلت بمرح : لا تقلق يا شيخ طلبة، بس انا سعيد انك شفت المدونة بتاعتي ، يا خبر دي المدونة نورت ،بس ليه معلقتش عندي ولا معندكش اكونت علي جوجل
قال وكأنه يغير الموضوع : هناك تدوينه لم تعجبني
قلت : تدوينة ، اي واحده دي وانا الغيها علي طول
قال : انا اتكلم جديا الان ، التدوينة التي تتكلم فيها عن جمال عبد الناصر والبوابة السوداء
قلت متذكرا: ايوة يا شيخ طلبة مالها؟ هو انت شايف ان جمال عبد الناصر برئ من تعذيب كل البشر دي في السجون والمعتقلات ،وهو السبب في ان العسكري بقي فوق دكتور الجامعه ، هو اللي ارسي مفهوم الدكتاتوية و.................و
حاول جاهدا ان يوقف هذا السيل الجارف بلا فائدة وقال : اهدي يابني شوية ، يا خسارة يا خسارة
قلت : خسارة ليه يا شيخ طلبة
قال : مفيش دوم عندك
قلت : ده من فضل ربنا يا شيخ طلبة ، صعب التنين يجتمعا علي المرء الغربة ومنقوع الدوم ، لكن بجد انا عايز اعرف ايه معجبكش في في التدوينة مع اني عارف انك من الناس اللي تعرضت للظلم ده وعشته
قال : بص يابني انا لا اتكلم عن حقائق بقدر ما اتكلم عن طريقه تفكير
قلت :بمعني ؟
قال :اولا لن يجدي الان ان تتحدث عن الماضي بهذا الشكل ، الماضي انتهي ولم يعد بوسع اي احد مهما كان ان يغيره او ان يعيده ، امامنا الحاضر نصلحه والمستقبل نعد له ، لكن الماضي لم يعد له وجود الا في الذكريات ولكن يجدي ان نستعيده ونقاتله ونتهمه ولكن سنخسر هذه الطاقة التي يجب تجويهها للاصلاح
قلت : نعم يا شيخ طلبة ، معك حق ولكن كيف نفهم الواقع الا اذن حللنا الماضي كي نفهم ما نحن فيه ونضع ايدينا علي الاسباب ونصلحها
قال الشيخ طلبة ولم يعد سنه يسمح له بهذه المناهده : نعم ، ولكن هذا له شروط واداب
يجب ان تكون منصفا
كما تذكر العيوب الفظيعه يجب ان تذكر محاسنه
ويجب وانت تعمل كمحلل ومفكر ان تتميز بالحيادية ان تخرج من الحالة الشعورية
انت لا تزال تنظر للامر وانت غضبان وبذلك لن تسطيع ان تخرج بحكم صحيح

قلت : ولكن يا شيخ طلبة كيف افصل مشاعري عن حكمي عليه وقد تسبب في مقتل وتعذيب اناس شرفاء ومخلصين
قال الشيخ طلبة والحروف تشير الي ان صبره اوشك علي النفاذ : لو تريد ان تجلس علي المصطبة كالسيدات الفاضية فافعل ولكن ان اردت ان تصلح في هذه المجتمع فيجب ان تفصل مشاعرك
قلت : حلو قوي تعبير السيدات الفاضية هناك تعبير تاني بس بلاش
قال : دائما انت تتصدر في الهايفة
قلت :ايه تقييمك للوضع حاليا يا شيخ طلبة ، انت شايف مصر ازاي دلوقتي وخصوصا بعد احداث غزة
قال : يابني الوضع متغيرش كتير بس فرقت حاجه واحده، ان الكل الان بيلعب باوراق مكشوفه
قلت : تقصد اوراق مفضوحه يا شيخ طلبة
قال : نعم ، بتظيط انت في الفضايح
قلت : بس زعلني ان الشعوب ملهاش دور ، مكنش لها تأثير
قال : مين قالك كده انت لم تقرأ الواقع جيدا، اولا معظم الناس رفضت كلام الحكومة وتصريحتها وموقفها من اللي بيحصل في غزة بصرف النظر قد ايه انضحك عليهم فيها يخص حماس
وفي ناس كتير خرجت للتظاهر رافضة ما يحدث ومكونة فيما بينهم راي واحد قوي كان له تأثير علي القرار السياسي
والاجمل من كل دول هو دور الشباب سواء الجامعات او علي شكبة الانترنت
شباب المدونين قام بحملة قوية هجمومية ودفاعية في نفس الوقت ليس فقط للتعريف بالقضية بل و فضح للمتواطئين والمنتفعين
ولم يقتصر دورهم علي ذلك بل قاموا بعمل جيش من الفكر القوي والحجج المدعمومه بالبراهين لكشف كل اكاذيب اسرائيل وفضح استغلالها لوسائل الاعلام خداعها للشعوب الغربية
ينقصهم فقط التوحد والتركيز وان يكون لهم قائد ،ليس شرطا ان يكون شخصا بقدر ما يكون مجموعه افكار منتظمه يتفقون عليها تضمن لهم التغيير والاصلاح في هذا البلد
قلت له : الله عليك يا شيخ طلبة ، ايه البقين الجامدين دول ،فعلا انت جبت الخلاصة
شعرت انه ينظر لساعته رغم بعد المسافات وقال : يلا الوقت اتاخر روح نام
قلت : انام ايه يا شيخ طلبة دا لسه الساعه تمانية ونص
قال : ماهي لاماضتك دي اللي هتوديك في داهية مع السلامه اشوفك بعدين

وعمل ساين اوت وخرج

مع السلامه يا شيخ طلبة
اتمني ان القاك قريبا ، انت ومصر وكل الحبايب

53 comments:

عالم حبيب said...

السلام عليكم حبيبنا

حوار جرئ جدا جدا

ياسلام لما تكون مشتاق للأهل والأحباب في الغربة وتكلمهم على الياهو ولا الاسكايبي .. بتكون مشاعر جميلة .. سبحان الله والدي كل مرة أحس بدموعه مع إنه بيكون حريص يخبيها عني .. الله المستعان على الغربة والله .. إن شاء الله أنا ناوي أرجع قريبا جدا .. ورب هنا رب هناك

الشيخ طلبة شكله شخصية لذيذة جدا .. سلم عليه كتير

ربنا يحفظك ويرجعك بالسلامة

Anonymous said...

مش عايز اقولك انا متخيل الحوار بتاعك ده قد ايه ويمكن كمان عارف انت تكون قولتله ايه بس يادرش ربنا يجعل اوقاتك كلها سعيده وتستفاد منها ان شاء الله

square

يا عالم يا هوووووووووووو said...

يااااااااااااه يا درش أخيرا الشيخ طلبة تاني.... واحشني الراجل ده أوي...من ايام ما كنا في الكلية

جميل أوي الموضوع....فعلا مركز وهادف.... كارثتنا الحقيقية هي الاتكال على الماضي ولكن لا ننظر إلى المستقبل

أخيرا: الشيخ طلبة عنده حق في موضوع الجواز.... انا شايف إن الست بتاعة الشاي مناسبة.... انت قاعد لوحدك والغربة وحشة....والفتن حوليك كتير....إما تلحق تتجوز بسرعةقبل ما تقع الفاس في الراس

ربنا معاك

جنّي said...

السلام عليكم

كيف حالك اخي الكريم واحوال السودان

حوار طيب وفعلا الشيخ طلبة عنده حق عند الحكم على الامور لابد من التجرد من اي اهواء او الانحياز لرؤية معينة ..
ولكن عصر عبد الناصر شابته مساوئ كثيرة جدا ولعل ذكريات جمال حماد مع احمد منصور في شاهد على العصر وهو من رجال عبد الناصر ومحسوب على النظام اثبت بالدليل القاطع قبح هذه الفترة وتدميرها للبلد على كل الاصعدة ..

الشيخ طلبة فكرني بالاخوان وهم في سجون عبد الناصر عندما مات قالوا الله يرحمه برغم ما فعله معهم ..

تحيتي يا زول

Unknown said...

سلام الله عليكم ورحمته وبركاته
كيف حالك اخي الكريم اتمني من الله ان تكون بخير وان تعود سالما بإذن الله
يا عم انت تعبت الشيخ طلبة علي الاخر ارحم الراجل شوية
بس انا بتفق معاك في نقطة جمال عبد الناصر بالذات لسبب بسيط جدا
اني اري ان الحيادية امر غير واقعي ويستخدم في اقل اقل الاحوال وفي اوقات بسبب اننا نلزم الحياد نبتعد عن الحقيقة وعن الرؤية الواقعية
جمال عبد الناصر لم يكن خطأه الوحيد التعذيب بل اخطاء لاتحصي فعلا كان اكثرها واشدها طمس الهوية الاسلامية عن عمد ومع سبق الاصرار مما اذي الي كوارث اضرت بأجيال كامله والي الان مع سوء النظام الاقتصادي والاجتماعي وغيره وانا معك ان له حسنات وبعض الامور الجيدة ولكنها تذوب في بحر من الظلم والديكاتورية
عامة هو زمن لابد ان نتعلم منه الكثير والكثير ويجب ان يدرس بعمق لانه من اكثر الفترات تأثيرا في العالم الان ومنه ظهرت قوتين تحكمان العالم انهارت واحده وبقيت واحده نسأل الله لها السقوط المريع
--
معش صدعتك بقي انت اللي جبته لنفسك
حفظك الله
وجزاكم الله كل خير

انا حره said...

مين بقى الشيخ طلبه؟؟؟؟؟؟؟؟

مهندس مصري بيحب مصر said...

الشوية اللي قريتهم في مدونتك عجبوني قوي
و شكلي حأفصصها قراية على مهلي لحد ما أخلصها

و شكلنا حنبقى اصحاب يا هندسة

لعلمك السودان احسن للمصريين من السعودية

السودانيين كلهم بيحبوا المصريين و فيهم طيبة فطرية عجيبة و قليل جداً لما تقابل سوداني وحش

على عكس السعوديين اللي معظمهم متكبر على الفاضي
و ميزة السعودية الأهم هي سهولة الحج و العمرة بس
:)
ربنا يخلي لك الشيخ طلبة و الإسكايبي

عصفور المدينة said...

ربنا يبارك فيك يا درش ونشوفك عريس واهو برضه تغير لون
:)

بنات افكارى said...

السلام عليكم

دخلت هنا البوست اللي فاتت
وقراته كتبت تعليق وهوب طار
مش عارفة ازاي بس معرفش ان
دي مدونة حضرتك ربنا يكرمك يارب
ويهون عليك مصاعب الغربة
وكويس انها جات على السودان
اخر ماتغلب تعالى على الحدود
واهل اسوان هايتصرفو :)

ربنا يوفقك يافندم وحوار مفيد
مع الشيخ طلبه كلنا استفدنا منه
وعنده حق اننا لازم نفصل بين مشاعرنا
وبين افعالنا وكمان زي مانذكر
مساوىء شخص نذكر ايضا مميزاته
وان كنت اتفق معاك فى اللي عمله
عبد الناصر
واخيرا اشكر لحضرتك تشريفك
مدونتي واطرائك الذي
لا استحقه فعلا جزاكم الله خيرا
واسال الله لحضرتك التوفيق والعودة سالما ان شاء الله وربنا يحميك

Empress appy said...

وحشنى الشيخ طلبه خالص انت عارف بيفكرنى بجدى فى كلامه شويه
فهددددددددد
ممكن تغير الخلفيه وتكبر الخط بدل ما ابعت لك برميل عصير دوم

Fahd said...

عالم حبيب

ربنا يكرمك يا اخي

اسعد كثيرا بتعليقك عندي

وبفرح كمان

اللهم اعد كل غائب لاهله

Fahd said...

spuare

حديد قلبي

متشكر جدا يا اخي

ساعود يوما ما لنتمشي في شارع خلوصي

Fahd said...

ياعالم يا هوووووووووووووه

يا هوووه منك يا اخي

الشيخ طلبة ما قلش اني اتجوز سته الشاي

الراجل شايف اني هجيب لاهلي مصيبة بس

ربنا يخليك لي ويجوزك

Fahd said...

جني

اسعد لمرورك

الشيخ طلبة عايز بفرق ما بين الحقائق ونظرتنا للحقائق

عايزنا نفكر بشكل يعمل لصالحنا

Fahd said...

الفاتح الجعفري

اين انتم ياعم

طالت الغيبة

دي اول مرة اختلف فيها مع الشيخ طلبة لكن لا تنسي انه علي حق

في اسلوب التفكير

هو لا ينكر الحقائق بقدر ما يغير طريقه التفكير العقيمة

Fahd said...

انا حرة

مش هقول

انا حر

Fahd said...

مهندس مصري

كلام حضرتك مظبوط يا فندم

متشكر جدا والله

ده شرف لي

Fahd said...

عصفور المدينة

ربنا يسامحك ياعم

تغير لون ايه بس

طيب تحب تجرب

Fahd said...

بنات افكاري

اهلا بيكي يا فندم
دي المدونة نورت

متشكر جدا

Fahd said...

ابي

عنيا حاضر
انتي تؤمري

انا فعلا بعتبر الشيخ طلبة جدي

Migo Mishmish said...

على فكرة طاهر القويرى جه سأل عليك فى البلكونه ..وكان عايز يعرف منك شويه حاجات كدا ..
ميجوووووو

dodda said...

ترجع ب1000
سلامه

ربنا يبارك فى عمر شيخك
ويا بختك بيه

انا برشحه يكون رئيس
قائد

اما عن حاله الشوق فانا ادرك جدا شعورك

فقد جربته عندما سافر اخى لامريكا
ووحشنى!!!!
:)

abdo said...

الله ينور عليك يا شيخ طلبه
منتظرين البقية
وربنا يعينك فى غربتك ياعم فهد وترجع بالسلامة

موناليزا said...

من مميزات الغربة
ان تعطى لكل الاشياء التى كنت معتادا عليها سابقا قيمة ومعزة خاصة
ترجع بالسلامة ان شاء الله

واصطنعتك لنفسي said...

كم كنت أفتقد الشيخ طلبه وكلماته

إمممم
يمكن لو فكرنا في كلماته من منظور مختلف نري كلماته بمثابة تطبيق لفقه الأولويات..الأولى الآن أن تجتمع الأفكار والجهود في طريق بناء إيجابي بعيد تماماً عن أي مشاعر سلبية
كنت فقط أتمني حديث أطول مع الشيخ طلبه
.
تجربة السودان واضح مختلفة جداً وأكيد مؤثرة

ربنا يوفقك
.
.
إيمان

رابطة مدونون من أجل فلسطين said...

نتشرف بدعوة سيادتكم للانضمام لنا

رابطة مدونون من اجل فلسطين

http://bloggersforpalestine.blogspot.com/

son's egypt said...

السلام عليكم
انا قولت اجي اسلم وارمي التماسي عليكي يا درش

قلمي said...

هههههههههههههههههههههههههههههههه
ههههههههههههههههههههههههههههههه
ههههههههههههههههههههههههههههههههه
ده كان شوعري اول ما دخلت مدونتك
ربنا يرجعك لاهلك ولبلدك سالما معافا


لو القعده في السودان بتخلي الدماغ عاليه كدا يبقي اكيد مش هزعل لو اتحدفت في دارفور
ههههههههههههههههه

ابلنسبه لموضوع عبدالناصر انا مش هعلق عليه دلوقتي علشان مالييش نفس اتغم
تدويناتك باسطاني وبلاش اعكر مزاكي بسيره الراجل ده

بس برده علشان نكون منصفين راي الشيخ طلبه صح لازم نذكر مساوئ الناس ومحاسنهم وببجد عبدالناصر عمل كثير قوي للبلد كفايه يا اخي الاصلاح الزراعي

ليه يا شعب عامل زي القطط بتاكل وبتنسي
وزي ماتقال
""
قرر الحاكم إصلاح الزراعة

عين الفلاح شرطي مرور

وأبنة الفلاح بياعة فول

وأبنه نادل مقهى

في نقابات الصناعة

وأخيراً

عين المحراث في القسم الفولوكلوري

والثور ، مديراً للإذاعة

* * *

قفزة نوعية في الأقتصاد

أصبحت بلدتنا الأولى

بتصدير الجراد

وبأنتاج المجاعة

وأصبح عامل القمامة مستشارا للسياسة

و بياع المحابس سجانا للعرائس

والنقري أمينا للخزانة

احمد مطر

*********

قلمي said...

في قصه بايخه عندي اسمها ساتان اكيد لو قراتها هتعكر مزاجك

لو ليك مزاج تدايق حد ابعتهاله

مهرة سالم said...

السلام عليكم أخي فهد..
مر هو طعم الغربه..
أسأل الله ان يهونها عليك..
وان يعيدك إلى أرضك واهلك سالما..
.........
الحمدلله ان عوضك بالشيخ طلبه عن حنان الجد الذي وددت ان تشعر به..
....
في حفظ الله

david santos said...

Excellent work, my friend, excellent!!!
Have a nice day!!!

Unknown said...

اخي درش
والله وحشني اوي اوي ونفسي اشوفك جدا بس مش عارف ده هيحصل امتي , ربنا يصبرك يا رب وترجع مصر بالسلامه ,عارف بابا دلوقتي لما بيكلمني بيقولي انت جهزت الشنطه ولا لسه , مفيش نعمه تستحق الشكر اكتر من نعمه الاهل
ربنا يرجعك بالسلامه يا حبيبي

انسااااااااانة....غريبة said...

حوار ممتع ومفيد فعلا

مع انى معرفش مين الشيخ طلبة بس ربنا يديه الصحة ويكرمه يا رب


جزاك الله خير

Hosam Yahia حسام يحيى said...

جميل

:)

ربنا يحفظكما يارب

§a§a said...

بقالى كتير معدتش على المدونه

وحشنى والله حكايات شيخ طبله

تحياتى

روح said...

براحتك
براحتك اوي
خد راحتك علي الاخر
بس وربنا ما مسامحة
عشان بعت معاك السلام للشيخ طلبة
يجي من حوالي تلات اربع شهور
وانت ولا في دماغك
بيني وبينك ربنا
يارب تيجي مفحوم
من السودان

Fahd said...

ميجو

شرفت ياعسل

حلوة قوي البلكونه بتاعتك

كويس اني لسه فاكر ان القويري هو صاحب الشمعدان

Fahd said...

dooda

انا كمان برشحه

اهلا بيكي في مدونتي والله المدونة بتنور


شعور الفقد والغربه والحاجات دي مؤلم فعلا لكن هي دي الحياة

سي لافي علي راي فؤاد المهندس

Fahd said...

abdo

تكرم يا جميل

ربنا يسهل ويكون فيه لقاء قريب الشيخ طلبة

Fahd said...

موناليزا

فعلا اكيد الواحد بيتعلم حاجات جديدة

يشعر بحاجات جديدة

والسفر فيه سبع فوائد

Fahd said...

واصطنعتك لنفسي

بارك الله فيكي
اعتقد ان ده فعلا قصد الشيخ طلبة

فعلا اكيد السفر فرق مع الواحد ربنا يرجعنا بالسلامه

Fahd said...

رابطه مدونون فلسطين

اهلا وسهلا

ده يشرفني

Fahd said...

ابن مصر

ياعسل انت منور

ربنا يخليك

انت عامل ايه واحشني بجد

Fahd said...

قلمي

بسم الله ما شاء الله ايه الغزارة دي

ربنا يبارك والله

انا فعلا قرات القصه

كانت عميقة شوية

لكن اعدك بزيارة قادمه

Fahd said...

نهار

جزاكم الله خيرا يا فندم

الله المستعان

المدونة نورت

Fahd said...

محمد مختار

والله وانت واحشني يا اخي

ربنا يجمعنا قريبا ان شاء الله

Fahd said...

انسانه غريبة

متشكر جدا


نورتي المدونة

Fahd said...

حسام يحيي

ربنا يعزك يا اخي

متشكر جدا لمرروك

Fahd said...

Sasa

اهلا وسهلا يا فندم

فعلا بقالكم كتير معدتوش

ربنا يبارك

Fahd said...

روح

يا خبر ابيض

لسه بس كده

انا مقدرش يا فندم

انا اسف جدا

اعدك اني اسلم عليه

بجد انا اسف

بس بلاش اتفحم دي علشان خطري حيث ان شكلها هتكون بجد

لكن حضرتك لسه جاية اليوم والتدوينه دي من يوم 4 فبراير

ثانيا لماذا لانري جديدا علي المدونة

من شهر واحد ولم يتنزل لك موضوع لعل المانع خير

dodda said...

اين الجديد يا زول؟؟؟

يا مراكبي said...

حوار لطيف

لكن ان متأكد انك هتلاقي طرائف في السودان للصبح .. دول شعب ظريف جدا بدون قصد

انا متأكد اننا هنلاقي هنا مواقف كوميدية كتير

rona said...

حوار جميل اعجبنى حقا
رجل يقيم الحياه من خلال سنين عمره
ويقيمنا نحن الشباب
هنيئا لك بذلك الرجل