Sunday, March 1, 2009

العمل الالكتروني

احيانا تشعر انك مش فايق ..غير رائق المزاج دونما سبب معروف
ليس لديك رغبة في ان تكتب وتدون رغم زحمة الافكار داخل راسك تنافس زحمة القاهرة قبل الافطار في رمضان
تريد ان تكتب ولكن تشعر انه يصدك شيء
ثم تجد نفسك مخنوقا من التدوين كله وحتي المدونات التي كنت تقرأها بحماس يروح الحماس وتأتي فتح
تفكر وتجهد عقلك لتعرف السبب في عدم اقترابك من لوحة المفاتيح
عن ان الافكار الغزيرة التي تعج برأسك وتوشك علي القفز ولكن ما ان تقترب من لوحة المفاتيح حتي تتوه منك الافكار وتهرب وتشعر انك مخنوق ومش فايق
نعم تلك الافكار اللعينة التي تشغلني اثناء انشغالي واحيانا يضخمها الشيطان وانا اصلي
نعم هناك افكار من وحي الشيطان ولكن ليس معني ذلك انها افكار سيئة بل علي العكس لقد اجهد الشيطان عقله وقدح زناد فكره كي يوحي لك بافكار كي تخرجك من الصلاة فغالبا ما تكون افكار رهيبة
بالطبع افضل شيء ان تركن الفكره علي جنب وتستكمل صلاتك وبعدها استرجع تلك الافكار الرهيبة وبذلك تكون ضحكت علي الشيطان

نرجع مرجوعنا
احيانا تصير اصابعنا علي الكيبورد سريعه جدا لهلوبة ولكن تأتي عليك مواسم الخريف وتشعر انك بلا رغبة في الكتابة وتشعر بالعجز احيانا
ولكني يبدو انني وصلت لشيء ما
انها العمل
في حد عمل لي عمل
ولكنه عمل ليس كأي عمل
انه عمل الكتروني
استكمالا لكل المصطلحات الجديدة التي تتعلق بالعالم الالكتروني
مثل الموت اللكترونيا ربنا يكرمك يا عصفور
هنا العمل الالكتروني
عمل لا اردي ما هي رقيته
هل هو فترة وتمر
لا ادري
هل هناك شخص ما يحسد حسدا الكترونيا
طيب ولكي افك هذا العمل هل اذهب الي جوجل او الحاج ياهوو كي افك هذا العمل
لا ادري اريد احدا يخبرني بالحل قبل ان اصاب بالمس الالكتروني

14 comments:

قلمي said...

عين الحسود فيها عود

بس صدقني الي عندك ده مش عين

ديت ضربه شمس

همر مره تانيه بس دلوقتي عندي معاد اخلصه وابقي ارجع اشوفك يمكن تكون اعراض ضربه الشمس خفت

dodda said...

الله اكبر
انت تغيب تغيب وترجع تقول محسودومعموللى عمل؟؟؟؟

انا محبش الكلام ده اوعى تكون سته الشاى واخده عقلك...
كلنا بلا اشتقناء نمر بما وصفته بحذافيره
والخروج من هذا الوضع يأتى من تلفاء نفسه
انا بقى الافكار تملى دماغى وانا ف المطبخ
واول مااجى اكتب تتبخر

دعوة الفردوس said...

حاسه اوي باللي حضرتك بتتكلم فيه

لدرجة قريت اول 4 او 5 سطور ومجاليش خلق أكمل


حالة غبيه جدا بمر بيها

يا عالم يا هوووووووووووو said...

أكيد السحر الأفريقي عمل عمايله

فليعد للدين مجده said...

ولذلك كان العلماء يحملون معهم دوما قلما وأوراقا ليدونوا ما يخطر بهم
ومنهم من جمع ذلك في كتاب وهو ابن الجوزي في كتابه الشهير الجميل (صيد الخاطر)

ما بك حالة طبيعية لكنك كتبت بعض العبارات التي لم افهمها

Anonymous said...

ما اجمل انت تكتب ماتشعربه من افكار وخواطر وبعدين عمل اية ياعم الحج اللى انت جاى تقول علية بس انت وحشنى موووووووووووووت انا عاوز اكلمك كل ما اخش ملقكش حرام عليك كدة بجدة ولا انت عاوز تعزبنى معاك يا اخى ولا بتوع السودان عدوك ولا اية شكلهم كدة هما اللى عمللك العمل يا زوول

فتــافيت (رحاب الخضري) said...

شوفت ادي اللي انت خته من هسة والست شاي دي

صلي على النبي كده.. وكبر دماغك وكله هايرجع زي ما كان ان شاء الله

عادي كلنا بيجي علينا وقت مانعرفش نخرج اللي جوانا

بس لما بيخرج بيخرج بالزوووووفة

ربنا يهديك ويريح بالك

هو انت رجعت ولا لسه؟

ابو اعصار said...

اللي بيحصلك حصلي الفترتين اللي فاتوا بس عاوز اقلك ان فيه افكار مجنونة بس هي لازم تطلع بمزاج عني على حسب الحالة النفسية للشخص وهو بيكتب واحيانا
في موضوع الصلاة
هل تعلم ان سيدنا عمر خطط معركه وهو بيصلي بجد بس ده معركه

بس اهم حاجا للما تتخنق ش عليا

هههههههههههههههههههههههه

Unknown said...

سلام الله عليكم ورحمته وبركاته
والله يابشمهندس بيحصلي كتير
فاستعن بالله ولاتعجز
ربنا ييسر كل امر
وربنا يرجعك بالسلامة
وجزاكم الله كل خير

مهندس مصري بيحب مصر said...

طيب دا أنا كنت منتظر تحليلك إنت بالذات لموضوع مذكرة إعتقال البشير
لإنك موجود في السودان و إنت اقدرنا على الشرح من وجهة نظرك من هناك

عموماً بخصوص العمل الإلكتروني إقرأ البوست ده عندي
http://egyptioneng.blogspot.com/2008/08/blog-post_25.html

كلنا بنمر بأوقات كده

dodda said...

ايه هو الحسد جه فى الكومنت كمان

فينك بس؟؟؟

Fahd said...

اعتذر لكم جميعا علي التاخير

ولسوف اعود ان شاء الله

دكتور حر said...

طب بص


اكتب تدوينة سورة الفلق

ورش ميه قدام المدونة

:)

Fahd said...

ان شاء الله العمل يكون اتفك

وارجع ان شاء الله