Saturday, August 23, 2008

طال العهد يا شيخ طلبة


المرة دي طولت قوي
بقالي كتير لم اري الشيخ طلبة ولم اذهب اليه
لا ادري لماذا
هل فعلا لان الدينا شغلتني ومفيش وقت
ام انه من منطلق اذا كان حبيبك عسل
ولا يمكن ان عايز انجح بعيد عنه
اقصد اثبت له اني اقدر
وبكده تبقي عندي عقدة الجلباب
لن اعيش في جلباب الشيخ طلبة
لكن اكتشفت طبعا بصرف النظر عن لاسبابا اني مجتاح له جدا
مش بس في القضايا الساخنة والبلاوي التي حلت بنا
لكن اريد ايضا ان اتحدث له عن نفسي عن الامي واحلامي
وذهب اليه بالفعل
ولم اقبل يديه بل ارتميت في حضنه
ياه لم اكن اتصور اني سافتقده هكذا
يمكن علشان كل جدودي ماتوا فكل مشاعر الحفودية عندي متجمعه ومتركزة وانفتحت علي الشيخ طلبة
وكان كما هو ذلك الشيخ العجوز
ونفس التجاعيد التي تسرح علي وجهه
وايضا ذلك البريق الرائع في عينيه
.- ازيك يا شيخ طلبة وحشني والله
.- لو كنت وحشك مكنتش تغيب الفتره دي كلها ،انت عارف انا بحب وجودك
.- والله يا شيخ طلبة وانا كمان ،انا مفتقدك يا شيخ طلبة كالزواج
.- كالزواج ؟ كده طمنتني انت يابني لازم اهلك يجوزوك قبل ما تجبلهم فضيحة
.- خالص يا شيخ طلبة حتي انا مش بفكر في الموضوع خالص
.- انا عارف ، انت اخبارك ايه ؟
.- انا كويس يا شيخ طلبة بس ما يحدث حولنا مش كويس
لما بدأ الموضوع بهاني سرور وياخد براءة ليه؟ هو الظلم وصل للدرجادي
تعرف يا شيخ طلبة اكبر مصيبه عملها هاني سرور ايه انه خلي الناس تخاف من التبرع فده جه علي حساب ناس كتير قوي محتاجين نقل دم
وفي الاخر ياخد براءه انا مش عارف هو ازاي عايش وازاي بيبص في وش عياله
وازاي عياله مش بيكلموه
دا لو في موضوع معين شفت ان بابا مش صح فيه او ملهوش حق انا واخوتي مش بنسكت
اطرق الشيخ قليلا وقال: هاني سرور، حسبي الله ونعم الوكيل
.- وتيجي بعدها مصيبة ممدوح اسماعيل تخيل اكتر من 1300 شخص يموتوا عادي
والجاني ياخد براءه
طب ازاي وعلي انهي اساس
طيب مين المتهم
ولا مفيش
ولا علشان مش لاقيين واحد عبيط زي كل مره يلبسوه الموضوع
ضحك الشيخ طلبة وقال : لا الناس العبيطه كتير لكن الموضوع بقي مستهلك
بس تعرف ان الموضوع ده من وجهة نظري انا ليه دلاله خطيرة
.- ايه يا شيخ طلبة؟ هل الناس رفضت انها تبقي عبيطه ؟
.- لا يابني ، المفروض مع كل كارثة تحدث النظام الدكتاتوري في اي مكان وزمان بيستخدم فكره كبش الفداء، طبعا علشان يمشوا الموضوع ويمتصوا غضب الجماهير ويظهروا في مظهر العدالة والحق والامان وهذا الكلام
.- حضرتك تقصد هما ليه معلموش كده مع ان سمة مصر بقت زي الزفت جوه وبره
.- الله ينو رعليك ، فكر كده ايه السبب
.- يمكن فاهمين غلط او مش واخدين بالهم
.- لا يا بني هما فاهمين كويس قوي ، تعرف المباني المبنية علي نظام الحوائط الحاملة
.- ايوة يا شيخ طلبة درسنها ان الحيطة هي اللي شايله البيت ومينفعش اشيل اي جزء منها والا البيت هيقع
.- بالظبط ، الفساد بقي جزء من تكوين البيت ، هاني او ممدوح او حتي غيرهم بقي صعب انهم يبقوا كبش فداء
لو هما وقعوا البيت كله هيقع
وهيقع علشان ماسكين ذلة علي كل واحد
وكل واحد ماسك ذلة علي التاني لانهم طبخوها سوا
.- لكن يا شيخ طلبة معني ذلك ان النظام ده بقي ضعيف هش مش هيقدر يستحمل اي خبطة تاني
.- تمام ، بكده اصبح مش بيحكم البلد واحد بس دي بيحكمها مصالح كتيره غالبا ما هتتعارض يوما ما وينهد البيت
.- واحنا يا شيخ طلبة
احنا فين
لما البيت ينهد هينهد علي راس مين
مش علي راس الناس الغلابة
مش علي راس الناس اللي مش لاقية تدفع مصاريف المدارس ولا حاجات رمضان
او الناس اللي مش لاقية علاج او هدوم تستر عورتها
البيت هينهد علينا احنا يا شيخ طلة
احنا اول ناس هيضحي بيها
احنا اسهل حاجه تتلغي من المعادلة
البلد باظت وبتبوظ يا شيخ طلبة
ايه الحل يا شيخ طلبة
مفيش حد من الاحزاب ينفع يمسك مصر كلهم شلة متنفعين او حتي ديكور علشان نقول ان في احزاب في مصر او انهم ميقدروش يحكموا بلد
حتي الاخوان بيقولوا احنا مينفعش نمسك البلد الان
يبقي ايه الحل
نفضل موطيين كده لحد ما ييجي واحد ظالم رابع يركب ويدلدل رجليه ولا نعمل ايه
في محلل بيقول ان مصر بيحصل فيها ثورة كل 30 سنة
هل جه وقتها
هل الناس فعلا مستعديه تعمل ثورة علي الظلم والفقر والمرض والغلاء والزحمة والفساد والانحلال
ولا ايه يا شيخ طلبة
انا غلط ولا مش بفهم ولا العالم بقي غلط ولا اكبر دماغي واعيش في القطيع زي ما الناس عايشة ولا ايه
.- هدي اعصابك يابني مفيش دوم عندنا يفكي ثورتك دي
.- وانا كمان مش عايز دوم يا شيخ طلبة انا عايز اعمل ثورة علي الدوم
ظن اني اضحك فضحك بدوره ونادي علي من يأتينا بالمنقوع الكريه
قال الشيخ طلبة : صبرا يا ولدي ، متعملش في نفسك كده
انت متابع اللي بيحص في العالم ؟ مشكلة روسيا وجورجيا وامريكا
.- ايوه يا شيخ طلبة والمفروض الواحد ميصدقش كل اللي بيسمعه
ويمكن دي تكون وسلية لصرف انتباه الناس عن المقصود الحقيقي من وراها
.- نعم ولكن مهما كان ده معناه ان الناس دي هتتشغل عنا شوية
.- ايوه يا شيخ طلبة خليهم يضربوا في بعض خلينا نفوق بقي
.- للاسف يابني احنا مرتبطين بيهم
اقتصادنا مش مستقل
متوقفين علي معونات واتفقيات وبلاوي زرقاء
واسرائيل دي فرصتها علشان تبرطع محدش فاضيلها العالم كله مشغول بجورجيا يبقي هي تقتل في الفلسطنيين
لكن يابني مها كان مش لازم نفقد الامل
عمرنا ما نيأس
عارف ليه ؟
علشان عندنا ايمان بالله
واحنا لازم نكون وقود الامل في الامة
ايوه انت وكل الناس وكل المدونين وكل الناشطين والحقوقيون
ميخلناش الواقع الصعب اننا نيأس ونستسلم
وبدل ما ندي امل ببناس نحبطم
لا يبقي نقعد في بتنا افضل ونكفي الناس شرنا
الناس مش مستحمله
.-فعلا يا شيخ طلبة الناس مش مستحمله
لازم ندعي وان شاء الله فيه امل
لازم يكون في امل
امال هتعيش ازاي

12 comments:

آخر العنقود said...

حمدلله على سلامة الشيخ طلبة
بجد كلامه جميل ومؤثر قوى
لازم فعلا يكون عندنا امل ومش نياس ابدا مهما حصل
صحيح الدنيا بقت صعبة قوى وملامح الناس شايلة ميت هم وهم
والكل تحسه بيضحك من غير نفس او بيضحك ومداري وراه الف حكاية ورواية
لكن رغم كل ده اكيد عندنا امل
مش عشان احنا فى بلاد العدل والسلام
لا
لكن عشان فعلا عندنا امل كبي فى ربنا وفي قدره لينا
تحياتى ليك
بوركت وبورك قلمك

واصطنعتك لنفسي said...

قائد.. محتاجين قائد.. بس اصلهم اتقصصت أجنحتهم من زماان.. ده حتي في منهم ملحقش يطلعلهم جناحات

زمان كنا بنقول الكيان الصهيوني مسيطر علينا بفكرة الهزيمة النفسية وفرق تسد.. ودلوقتي الحكومة هي أول من تمارس هذا الدور ضد الشعب.. هتورينا الذل وحتي مش هتحاول تغطي عليه كالعادة..وهو ده الفسق والفحش

بقتل نفسي تفكير مابلاقيش الحل غير في: إن الله لا يغير ما بقوم حتي يغيروا ما بأنفسهم.. فعلينا بأنفسنا التي بين جنبينا ومنها ينتشر الاصلاح إن شاء الله ذلك

أؤمن بـ: ضاقت فلما استحكمت حلقاتها فرجت وكنت أظنها لا تفرج.. أول ما تستحكم الحلقات المفروض نستبشر.. زي أظلم وقت في الليل بيجي بعده مباشرة النهار
ربنا يكشف عنا هذا البلاء ويرزقنا
فتح قريب

كل عام وأنت يخير
اللهم بلغنا رمضان وتقبل منا رمضان

إيمان

Anonymous said...

علي فكره جمال اسلبك في ازدياد ولا زم فعلا يكون في امل ولكن لابد وان يكون معه عمل ورمضان فرصه لبداية عمل جديد سيد

Fahd said...

اخر العنقود

فعلا ومداري الف حكاية ورواية

جزاكم الله خيرا

فعلا لازم يكون في امل امال نموت يعني

Fahd said...

واصطنعتك لنفسي

هل احنا مشكلتنا في قائد بس

يمكن

بس لو حللنا الموضوع هنلاقي مشاكل تانية بحجم مشكله عدم وجود قائد

خليها تديونه تانية


اللهم بلغنا رمضان

Fahd said...

سيد

جزاكم الله خيرا يا اخي

فعلا شهر رمضان فرصه للتغير والتقدم

Anonymous said...

المشتاق لله-لازم يكون في امل يامصطفي لازم -انت عارف اني اكبر باحث غن الامل في غربتي ياصديقي

د/ شيماء said...

السلام عليكم ورحمة الله وبركاته

يااااااااه كم افتقدنا الشيخ طلبة

حمداً لله على سلامته .. عاد وفي جعبته الكثير

جميلة فكرة أن البناء أصبح هشاً جداً .. في انتظار الضربة القاضية .. لا أعرف لماذا أخشى أن يعيد التاريخ نفسه ؟ وكيف لنا أن نحتفظ بالأمل؟

لكن عودة الشيخ طلبة في حد ذاتها تبعث الأمل الكبير.. أطال الله في عمر شيخنا

أسأل الله أن لا يقطع فينا الأمل في رحمته وفرجه

جزاكَ الله خيرا وننتظر دائماً قراءة مثل هذه الإبداعات

في حفظ الله

جنّي said...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

Jana said...

لم يسعفنى وقتى للأسف للقراءة
ولا يفوتنى فرصة التعليق على ابداعاتك
فلى عودة بإذن الرحمن

ولكنى جئت الآن لإلقاء التحية والسلام والتهنئة برمضان
فكل عام وأنت بخير والى الله أقرب
تقبل الله منك صالح اعمالك
ومن عليك من فضله العظيم
ورزقك غفرانه وعتقه الكريم
وأدركك ليلة خيرا من ألف

Empress appy said...

اولا انت ليه مختفى بقالك كتير اوى
ثانيا انت حيرت الشيخ طلبه والراجل هيطق منك
ثالثال كل سنه وانت طيب

ساسو said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان